22 noyabr 2024, cümə Bakı, 14°C
IMG-LOGO
  • 22 noyabr 2024, cümə 02:18:26 Bakı , 14°C
Ana səhifə Xəbərlər Ətraflı

Xəbər lenti:

ANAMA bir daha vətəndaşları xəbərdaredici nişanlara və təhlükə bildirən göstəricilərə diqqət etməyə çağırır

04-02-2024

Azərbaycan Respublikası Minatəmizləmə Agentliyi (ANAMA) Tərtər rayonunda baş verən mina partlayışı ilə bağlı məlumat yayıb.

Fhnews.az xəbər verir ki, ANAMA-nın mətbuat xidmətindən verilən məlumata görə, fevralın 4-də Tərtər rayonunun Qızıloba kəndi ərazisində mina hadisəsi baş verib.

Keçmiş təmas xətti ərazisində baş verən mina hadisəsi zamanı Tərtər rayonu Qaradağlı kənd sakini 2001-ci il təvvəllüdlü Əlizadə Həsənəli Şahin oğlu zərərçəkib.

Minalardan təmizlənməmiş ərazidə mal-qara otaran zaman piyada əleyhinə mina partlayışından xəsarət alan şəxsin sol ayağı topuqdan aşağı amputasiya olunub, sağ ayağı isə qəlpə yarası alıb.

“ANAMA bir daha vətəndaşları məsuliyyətli davranmağa, mina xəbərdaredici nişanlara və təhlükə bildirən göstəricilərə diqqət etməyə, xüsusilə keçmiş təmas xətti boyu ərazilərin minalarla ciddi şəkildə çirkləndiyini nəzərə alaraq, bələd olmadıqları ərazilərə daxil olmamağa və tələb olunan qaydalara riayət etməyə çağırır!”, - deyə ANAMA-dan bildirilib.

Paylaş:

Kateqoriyalar

Eyni kateqoriyalı xəbərlər