22 noyabr 2024, cümə Bakı, 14°C
IMG-LOGO
  • 22 noyabr 2024, cümə 03:27:26 Bakı , 14°C
Ana səhifə Xəbərlər Ətraflı

Xəbər lenti:

ABŞ Tayvana NASAMS raket sisteminin satışını təsdiqləyib

27-10-2024
IMG

ABŞ-nın Çinlə suverenlik mübahisəsi olan Tayvana yer-hava raketləri və radar sistemləri də daxil olmaqla təxminən 2 milyard dollar dəyərində silah satışına icazə verdiyi bildirilir.

ABŞ Dövlət Departamentindən verilən açıqlamada “Milli Yer-Hava Raket Sistemi” (NASAMS) tipli raketlərin və “AN/TPS-77”, “AN/TPS-78” radar sistemlərinin satışının həyata keçirildiyi bildirilib.

Açıqlamada raketlər üçün 1,16 milyard dollar, radar sistemləri üçün isə 828 milyon dollar ödəniləcəyi qeyd edilib.
Tayvan Müdafiə Nazirliyindən verilən açıqlamada “Ukraynada döyüş meydanında uğurla sınaqdan keçirilən NASAMS sistemi Tayvan ordusuna hava hücumundan müdafiə qabiliyyətini artırmağa kömək edəcək” ifadəsi yer alıb.

Silah satışına verilən razılığın Tayvanı öz ərazisi kimi görən Çinin reaksiyasını çəkəcəyi gözlənilir.Çin əvvəlki silah satışı ilə əlaqəli bir çox Amerika şirkətinə sanksiya tətbiq etmişdi.

Çinin ərazisinin bir hissəsi olduğunu iddia etdiyi Tayvan Çin Xalq Respublikasının yarandığı 1949-cu ildən bəri faktiki müstəqillik əldə edib.
Vətəndaş müharibəsindən sonra materik Çin və Tayvan arasında yaranan ayrılıq hələ də davam edir. “Vahid Çin” prinsipini vurğulayan Pekin onu tanıyan ölkələrin Tayvanla rəsmi əlaqələr qurmasına və Tayvana silah satmasına qarşıdır.

Paylaş:

Kateqoriyalar

Eyni kateqoriyalı xəbərlər