22 noyabr 2024, cümə Bakı, 14°C
IMG-LOGO
  • 22 noyabr 2024, cümə 04:23:23 Bakı , 14°C
Ana səhifə Xəbərlər Ətraflı

Xəbər lenti:

ABŞ-da tropik siklonlardan dolayı ölümlər birbaşa ölümlərdən xeyli çoxdur

03-10-2024
IMG

“Nature” jurnalında dərc olunan araşdırmaya görə, hər il ABŞ-ın müxtəlif bölgələrinə təsir edən tropik siklonlardan sonra yaranan sağlamlıq problemləri minlərlə insanın ölümünə səbəb olur. 1930-2015-ci illər arasında tropik fırtına və qasırğaları araşdıran tədqiqatçılar həmin dövrdə baş verən 501 tropik siklondan təsirlənən bölgələrdə ölüm nisbətlərindəki fərqləri araşdırdılar.

Təbii fəlakətdən əvvəl və sonra tropik siklonların vurduğu ştatların ölüm nisbətindəki fərqə əsaslanaraq tədqiqatçılar tropik tufan və ya qasırğanın ABŞ-da orta hesabla 7170-11430 nəfərin vaxtından əvvəl ölümünə səbəb olduğunu qiymətləndiriblər.

Təbii fəlakətlərin törətdiyi fiziki və ruhi aşınmaların, eləcə də zədələnmiş sənaye obyektlərindən kimyəvi tullantıların vaxtından əvvəl ölümlərə səbəb olan amillər arasında nəzərə alındığı araşdırmada fəlakət bölgələrində yaşanan iqtisadi problemlərin buna birbaşa və ya dolayısı ilə təsir etdiyi vurğulanıb. 

Araşdırmaya görə, tropik siklonlar nəticəsində baş verən ölümlər ABŞ-da bütün ölümlərin 3,2-5,1 faizini təşkil edir.

Rəsmi məlumatlara görə, son 50 ildə ABŞ-da tropik siklonların bilavasitə səbəb olduğu orta ölüm sayı 24-dür.Keçən həftə təxminən 225 kilometr sürətlə Floridanın şimal-qərb sahillərini vuran “Helene” qasırğası bir çox ştatda 160-dan çox insanın ölümünə və böyük dağıntılara səbəb olub.

Paylaş:

Kateqoriyalar

Eyni kateqoriyalı xəbərlər