22 noyabr 2024, cümə Bakı, 14°C
IMG-LOGO
  • 22 noyabr 2024, cümə 03:32:54 Bakı , 14°C
Ana səhifə Xəbərlər Ətraflı

Xəbər lenti:

ABŞ-da qütb soyuqluğundan 7 nəfər ölüb

17-01-2024

Milli Meteorologiya Xidməti xəbərdarlıq edib ki, ölkənin orta şimal rayonlarında və şimal-şərq ştatlarında külək səbəbindən havanın temperaturu mənfi 34 dərəcəyə enə bilər.

“Associated Press”in məlumatına görə, arktik soyuqların yaratdığı ekstremal qış şəraiti səbəbindən Portlenddə 4, Viskonsin ştatında isə 3 evsiz ölüb.

Ölkənin 23 ştatında həddindən artıq qar yağması, buzlanma və donma soyuqları ilə bağlı xəbərdarlıq edilib, 200 milyondan çox insana hava durumu ilə bağlı xəbərdarlıq edilib.

Nyu York, Baltimor və Vaşinqton şəhərləri mövsümün ilk qarını görərkən, xüsusilə qarın çox olduğu bölgələrdə məktəblər bağlanıb. Ölkə üzrə 1 milyondan çox şagirdin təhsil aldığı məktəblərin qış şəraiti ilə əlaqədar bağlandığı paylaşılıb.Ölkənin şərq sahillərində 1300-dən çox aviareys ləğv edilib. Oreqon, Texas və Luiziana ştatlarında 120 min evdə və iş yerində elektrik enerjisi kəsilib.

Həddindən artıq qar yağması səbəbindən Kolorado kimi dağlıq əyalətlərdə qar uçqunu, ölkənin cənub-şərq əyaləti Floridada isə  tufan və gözlənilməz tornado təhlükəsi ilə bağlı xəbərdarlıq edilir.

Paylaş:

Kateqoriyalar

Eyni kateqoriyalı xəbərlər