22 noyabr 2024, cümə Bakı, 14°C
IMG-LOGO
  • 22 noyabr 2024, cümə 04:13:50 Bakı , 14°C
Ana səhifə Xəbərlər Ətraflı

Xəbər lenti:

9 fevral dünyada “Siqaretdən imtina” günü kimi qeyd olunur

09-02-2024

Ümumdünya Səhiyyə Təşkilatının məlumatına görə, hər il dünyada 8 milyondan çox insan siqaretlə əlaqəli səbəblərdən ölür ki, onlardan 1,3 milyonu passiv siqaret çəkənlərdir. Siqaretin tərkibində xərçəng, şəkər, qan təzyiqi, ürək və tənəffüs yolları xəstəliklərinə səbəb olan təxminən 7 min kimyəvi maddə var və onlar 70 % xərçəngə səbəb olur.

Qlobal tütün istehsalına hər il 22 milyard ton su xərcləndiyi halda, bu miqdar 15 milyon olimpiya hovuzunda olan suyun miqdarına bərabərdir. Bir siqaret istehsalı, daşınması və məhv edilməsi daxil olmaqla 3,7 litr su tələb edir. Tütün istehsalı zamanı istifadə olunan intensiv gübrələr və pestisidlər torpağın çirklənməsinə səbəb olur və bu kimyəvi maddələr su ehtiyatlarına qarışaraq göllərə və dənizlərə çataraq suyun çirklənməsinə səbəb olur. Tütün istehsalı üçün ağacların kəsilməsi səbəbindən hər il təxminən 200 min hektar meşə sahəsinin məhv edilməsi qlobal meşələrin qırılmasının 5 faizini təşkil edir.

Hər il təxminən 6 trilyon siqaret istehsal etmək üçün kağız, mürəkkəb, folqa və yapışdırıcı kimi materiallardan istifadə edilməklə 300 milyard bağlama hazırlanarkən, tütün məmulatlarının qablaşdırılması və paylanması mərhələlərində istifadə edilən karton qutular 2 milyon ton tullantı yaradıb.

Son illərdə siqareti tərgitməyin ən çox seçilən üsullarından birinə çevrilən elektron siqaretlər isə tərkibindəki zəhərli metal və  plastik maddələrlə ətraf mühitin çirklənməsinə səbəb olur.

Tütün istehsalı və istehlakı zamanı buraxılan illik 80 milyon ton karbon qazı bir il ərzində 17 milyon benzinlə işləyən avtomobilin buraxdığı karbon emissiyasına bərabərdir. Tütün istifadəsi səbəbiylə ölən hər 7 adam siqaret çəkməyən birinin ölümünə səbəb olur. Ona görə də, siqareti tərgitmək üçün hər gün, hər saat, hətta hər dəqiqə belə uyğun zamandır.

Paylaş:

Kateqoriyalar

Eyni kateqoriyalı xəbərlər