25 aprel 2025, cümə Bakı, 14°C
IMG-LOGO
  • 25 aprel 2025, cümə 02:02:13 Bakı , 14°C
Ana səhifə Xəbərlər Ətraflı

Xəbər lenti:

Türkiyənin Daxili İşlər Naziri Əli Yerlikaya: “Afterşokların azaldığını görürük”

24-04-2025
IMG

İstanbulda baş verən  zəlzələ ilə bağlı son məlumatları paylaşan Türkiyənin Daxili İşlər Naziri Əli Yerlikaya artçı təkanların azaldığını bildirib.AFAD koordinasiya mərkəzində açıqlama verən nazir  son vəziyyəti paylaşaraq bildirib ki,Mərmərə dənizində baş verən 6,2 bal gücündə zəlzələ Tekirdağ, Yalova, Bursa, Sakarya və Balıkəsirlə yanaşı, İstanbulda da hiss olunub.İndiyədək 8 afterşok qeydə alınıb, onlardan 4-ü və daha çoxu 5,9 bal gücündədir.

AFAD Zəlzələ Elm Şurası tərəfindən edilən qiymətləndirməyə görə, artçı zəlzələlərdən 7-si zəlzələdən sonra ilk 4 saat ərzində qeydə alınıb. Son 12 saatda 4-dən yuxarı təkanlar olmayıb.

Xüsusilə son 16 saat qiymətləndirildikdə artçı təkanların azalmağa meylli olduğu açıq şəkildə görülür. Zəlzələdən bir neçə dəqiqə sonra qüvvəyə minən  TAMP (Türkiyə Fəlakətlərə Müdaxilə Planı) bütün fəlakət qruplarının nümayəndələri ilə birlikdə öz işini davam etdirir.

112 Təcili Zəng Mərkəzinə indiyədək 16 793 zəng gəlib. Bunlardan 997-si “Zəlzələ ilə bağlı təcili yardım” üçün müraciət olub. Bu onu göstərir ki, daxil olan zənglərdə xeyli azalma var.

Mərmərə Bölgəsindəki işləri dəstəkləmək üçün AFAD  22 vilayət üzrə 650 personal və 148 nəqliyyat vasitəsi ayırıb. 

Türkiyə Ətraf Mühit, Şəhərsalma və İqlim Dəyişikliyi Naziri Murad Kurum da açıqlamasında İstanbulda cəmi 83 binanın cüzi ziyan gördüyünü ifadə edərək, zəlzələ nəticəsində heç bir struktura ciddi  ziyan dəymədiyini bildirib.

Paylaş:

Kateqoriyalar

Eyni kateqoriyalı xəbərlər