22 fevral 2025, şənbə Bakı, 0°C
IMG-LOGO
  • 22 fevral 2025, şənbə 11:21:52 Bakı , 0°C
Ana səhifə Xəbərlər Ətraflı

Xəbər lenti:

Sənətin içindəki gizli riyaziyyat

21-02-2025
IMG

Alimlər Leonardo da Vinçi və Piet Mondrian kimi məşhur rəssamların əsərlərində təbiətin riyazi sirlərini ehtiva edən gizli naxışlar aşkar ediblər. Yeni araşdırma rəssamların təsvir etdiyi ağac budaqlarının təbiətdə görülən fraktal riyazi modelə uyğun olduğunu ortaya çıxarıb. Alimlər Leonardo da Vinçi və Piet Mondrian kimi məşhur rəssamların əsərlərində təbiətdəki budaqlanan nümunələri əks etdirən gizli riyazi nisbətləri aşkar ediblər.

“PNAS Nexus” jurnalında dərc edilən araşdırmada rəssamların ağac təsvirləri araşdırılmış və budaqların qalınlığının müəyyən riyazi nisbətlərə uyğun olduğu müəyyən edilmişdir. Mütəxəssislər düşünürlər ki, bu yolla hətta mücərrəd rəsmlər də bəzən nəzərə çarpmadan real təbiət formalarını təqlid edə bilir.

Leonardo da Vinçi 16-cı əsrdə apardığı müşahidələrində budaqların diametrləri arasındakı əlaqənin müəyyən riyazi qaydalara əsaslandığını irəli sürüb. Da Vinçinin istifadə etdiyi "α" parametri 1,5 ilə 2,8 arasında dəyişən nisbətlərlə alimlər tərəfindən araşdırılan sənət əsərlərində də təsdiqlənmişdir. Araşdırma qrupu, oxşar riyazi nisbətlərin 20-ci əsr rəssamı Piet Mondrianın 1912-ci il tarixli “The Grey Tree” adlı kubist əsərində tapıldığını bildirib. Tədqiqat göstərir ki, müəyyən riyazi dəyərlərin qorunması hətta mücərrəd sənətin şüuraltı olaraq təbii formaları oyatmasını təmin edir.

Müxtəlif dövrlərə və mədəniyyətlərə aid sənət əsərləri üzərində aparılan təhlillər ağac təsvirlərində riyaziyyatın zaman və məkandan asılı olmayan estetik element olduğunu göstərir. Tədqiqatçılar incəsənətin elmlə necə iç-içə olduğuna işarə edərək bildiriblər ki, bu araşdırma göstərir ki, incəsənət təbiətin gözəlliyini qiymətləndirmək və yenidən yaratmaq üçün bir yol təqdim edir.

Paylaş:

Kateqoriyalar

Eyni kateqoriyalı xəbərlər