23 yanvar 2025, cümə axşamı
Bakı, 8°C
- 23 yanvar 2025, cümə axşamı 21:29:54 Bakı , 8°C
Los-Ancelesin yaxınlığında yeni meşə yanğınları başlayıb
Çərşənbə günü, yanvarın 22-də Los-Ancelesin şimalında baş verən yeni meşə yanğınları tez bir zamanda 15 kvadrat kilometrdən çox ərazini əhatə edib, güclü küləklər və quru bitki örtüyü səbəbindən 31.000-dən çox insanın məcburi təxliyə əmri verilib.
Fhnews.az xəbər verir ki, Los-Ancelesdən təxminən 80 kilometr şimalda yerləşən Hyuz rayonundakı yanğın paytaxt regionunda iki böyük yanğını nəzarət altına almış regional yanğınsöndürənlərin işini daha da ağırlaşdırıb.
Səlahiyyətlilər Los-Anceles dairəsinin Kastaik gölü bölgəsindəki sakinlərə həyat üçün qaçılmaz təhlükə ilə üzləşdikləri barədə xəbərdarlıq ediblər, eyni zamanda, Cənubi Kaliforniyanın əksər hissəsi güclü, quru küləklər səbəbindən təcili yanğın xəbərdarlığı altında qalır.
“Anceles” Milli Meşə Qoruğunun rəhbərliyi bildirib ki, San-Qabriel dağlarının olduğu 2800 kvadrat kilometrlik parkın bütün ərazisi ziyarətçilər üçün bağlıdır.
Yanvarın 7-də Los-Anceles dairəsində meşə yanğınları yayılmağa başlayıb. Meteoroloqların sözlərinə görə, yanğının sürətlə yayılmasına quru və küləkli hava səbəb olub. Rayonda yanğınların ümumi sahəsi 16 min hektarı ötüb. Yanğın məşhurların mülkləri də daxil olmaqla 12300-dən çox binanı məhv edib. Son məlumatlara görə, 25 nəfər ölüb. Yanğınların iqtisadi ziyanı isə 250 milyard dollardan çoxdur.
İsrailin Milli Təhlükəsizlik Nazirinin...
Türkiyədə mədəndə partlayış olub...
Hakkaridə 3,5 bal gücündə zəlzələ olub...
İrlandiyada məktəblər “Eowyn”...
Kerç boğazında Rusiya gəmilərindən sızan...
