22 yanvar 2025, çərşənbə Bakı, 11°C
IMG-LOGO
  • 22 yanvar 2025, çərşənbə 15:45:34 Bakı , 11°C
Ana səhifə Xəbərlər Ətraflı

Xəbər lenti:

“KOB bazar” satış yarmarkası keçiriləcək

21-01-2025
IMG

Kiçik və Orta Biznesin İnkişafı Agentliyi (KOBİA) Kənd təsərrüfatı və qida məhsullarının satışını həyata keçirmək istəyən mikro və kiçik sahibkarlara müraciət edib.

KOBİA-dan bildirilib ki, agentliyin təşkilatçılığı ilə mart ayından etibarən hər həftə sonu “KOB bazar” adlı satış yarmarkası keçiriləcək.

Yarmarkanın təşkilində məqsəd mikro və kiçik sahibkarların istehsal etdikləri məhsulların satışına dəstək olmaqdır. “KOB bazar”da kənd təsərrüfatı və qida məhsullarının satışı həyata keçiriləcək. “KOB bazar” Binəqədi rayonu, Koroğlu və Əcəmi Naxçıvani küçələrinin kəsişməsində fəaliyyət göstərəcək.

“KOB bazar”da məhsullarını satmaq istəyən mikro və kiçik sahibkarlar 17 fevral 2025-ci tarixinədək Agentliyin saytındakı müvafiq formanı doldurmaqla müraciət edə bilərlər: (https://smb.gov.az/az/contact-form/exhibition-form/1). Telefon: (+99412) 4040401, daxili 253.

“KOB bazar”da iştirak etmək istəyən mikro və kiçik sahibkarlar üçün ödəniş nəzərdə tutulmur.

Paylaş:

Kateqoriyalar

Eyni kateqoriyalı xəbərlər