22 yanvar 2025, çərşənbə Bakı, 9°C
IMG-LOGO
  • 22 yanvar 2025, çərşənbə 19:35:09 Bakı , 9°C
Ana səhifə Xəbərlər Ətraflı

Xəbər lenti:

Daha bir neçə avtobus marşrutu üzrə müsabiqə qalibləri müəyyən edilib

22-01-2025
IMG

Azərbaycan Yerüstü Nəqliyyat Agentliyi (AYNA) tərəfindən sərnişindaşıma sahəsində rəqabətli mühitin, marşrutların təhkim edilməsində qanunvericiliyin tələblərinin təmin edilməsi ilə bağlı tədbirlərin davamı olaraq 62, 217 və 569 nömrəli avtobus marşrutları üzrə müsabiqənin qalibləri müəyyən edilib.

AYNA-dan verilən məlumata görə, 62 nömrəli marşrut üzrə (Sabunçu qəsəbəsi, dəmiryolu stansiyası – N.Tusi küçəsi) hüquqi şəxs “BakuBus” MMC; 217 nömrəli marşrut üzrə (Məmmədli kəndi – "Koroğlu" Nəqliyyat Mübadilə Mərkəzi) hüquqi şəxs “BakuBus” MMC; 569 nömrəli marşrut üzrə (Masazır qəsəbəsi – Bakı Beynəlxalq Avtovağzal Kompleksi) hüquqi şəxs “Xan Nəqliyyat R” MMC komissiya üzvləri tərəfindən qalib elan olunublar.

Qeyd edək ki, marşrut xətləri müvafiq qanunvericiliyin tələblərinə uyğun olaraq, AYNA tərəfindən mərhələli qaydada müsabiqəyə təqdim edilir. Məqsəd sərnişindaşıma sahəsində göstərilən xidmətin keyfiyyəti, təhlükəsizliyi və rahatlığının artırılması, həmçinin marşrutların təhkim edilməsində şəffaflığın təmin olunmasıdır. Müsabiqə “Avtomobil nəqliyyatı haqqında” Qanuna, Nazirlər Kabinetinin 2009-cu il 3 aprel tarixli müvafiq qərarı ilə təsdiqlənən “Avtomobil nəqliyyatı ilə müntəzəm şəhərdaxili (rayondaxili), şəhərlərarası (rayonlararası) və beynəlxalq marşrutlar üzrə sərnişin daşımalarına daşıyıcıların cəlb olunmasına dair müsabiqənin keçirilməsi Qaydası”na uyğun təşkil olunur.

Paylaş:

Kateqoriyalar

Eyni kateqoriyalı xəbərlər