12 iyun 2025, cümə axşamı Bakı, 24°C
IMG-LOGO
  • 12 iyun 2025, cümə axşamı 22:43:25 Bakı , 24°C
Ana səhifə Xəbərlər Ətraflı

Xəbər lenti:

BMT-nin Okean Konfransında plastik çirklənmə ilə mübarizə hədəfləri gündəmdədir

11-06-2025
IMG

Birləşmiş Millətlər Təşkilatının 3-cü Okean Konfransının (UNOC3) bir hissəsi olaraq bəzi ölkələr plastik çirklənmə ilə mübarizə üçün məcburi beynəlxalq razılaşmaya çağırıblar. Fransanın Aralıq dənizi sahilində yerləşən Nitsa şəhərində 120-dən çox ölkənin dövlət başçıları və yüksək səviyyəli nümayəndələrinin iştirakı ilə BMT-nin Okean Konfransı keçirilir.

Kosta Rika və Fransanın həmsədrliyi ilə vətəndaş cəmiyyəti təşkilatlarından tutmuş elmi dairələrə qədər minlərlə iştirakçının qatıldığı konfransda okeanlar üçün də ciddi təhlükə yaradan plastik çirklənmə ilə mübarizə istiqamətində addımlar atılıb. Fransa Xarici İşlər Nazirliyinin bəyanatına görə, konfransda iştirak edən bəzi ölkələr plastik çirklənməyə qarşı məcburi beynəlxalq müqavilə tələb ediblər.

Açıqlamada plastik çirklənmənin insan sağlamlığı və ətraf mühit üçün dağıdıcı nəticələrinin olduğu vurğulanaraq, hər il təxminən 460 min ton plastik istehsal edildiyi və heç bir tədbir görülməsə, 2060-cı ilə qədər bu rəqəmin üç dəfə artacağı qeyd edilib. Bəyanatda qeyd olunub ki, 95 ölkə plastik çirklənmə ilə mübarizə aparmağa və məcburi addımlar atmağa çağıran “Nitsa” çağrısını imzalayıb.

Nitsada iyunun 13-dək davam edəcək konfransda iqlim dəyişikliyi, dəniz səviyyəsinin qalxması, həddindən artıq balıq ovu və ya  qeyri-qanuni balıq ovu kimi çoxsaylı təhlükələrlə üzləşən davamlı okean mühafizəsinin təmin edilməsi istiqamətində fəaliyyətlər müzakirə olunacaq.

Qeyd edək ki, BMT-nin İlk Okean Konfransı 2017-ci ildə İsveç və Ficinin həmsədrliyi ilə Nyu-Yorkda, ikincisi isə 2022-ci ildə Portuqaliya və Keniyanın rəhbərliyi ilə Lissabonda keçirilib.

Paylaş:

Kateqoriyalar

Eyni kateqoriyalı xəbərlər