13 iyun 2025, cümə Bakı, 26°C
IMG-LOGO
  • 13 iyun 2025, cümə 15:04:47 Bakı , 26°C
Ana səhifə Xəbərlər Ətraflı

Xəbər lenti:

Azərbaycanın və Gürcüstanın hərbi tibb mütəxəssisləri əməkdaşlıq məsələlərini müzakirə ediblər

12-06-2025
IMG

Bakıda Azərbaycan və Gürcüstan respublikaları Müdafiə nazirliklərinin tibb xidməti nümayəndələri arasında "Hərbi tibb sahəsində əməkdaşlıq" üzrə ikitərəfli görüş keçirilib.

Müdafiə Nazirliyinin Mətbuat və ictimaiyyətlə əlaqələr idarəsindən verilən məlumata görə, görüşdə Gürcüstan nümayəndə heyətinə Azərbaycan Ordusunda tibb xidmətinin təşkili, eləcə də, hərbi tibbi təchizatla bağlı brifinq təqdim olunub.

Hər iki ölkənin nümayəndə heyəti hərbi tibb sahəsində əməkdaşlıq, həmçinin qarşılıqlı maraq doğuran bir sıra məsələlərə dair ətraflı fikir mübadiləsi aparıb.

Görüş çərçivəsində qonaqlar, həmçinin Müdafiə Nazirliyinin Baş Klinik Hospitalını, Mərkəzi Hərbi və Stomatoloji poliklinikalarını, Hərbi Tibb fakültəsini, Məhkəmə-Tibbi Ekspertiza və Patoloji Anatomiya Mərkəzini və İstirahət evini ziyarət ediblər.

Paylaş:

Kateqoriyalar

Eyni kateqoriyalı xəbərlər