12 iyun 2025, cümə axşamı Bakı, 24°C
IMG-LOGO
  • 12 iyun 2025, cümə axşamı 22:14:33 Bakı , 24°C
Ana səhifə Xəbərlər Ətraflı

Xəbər lenti:

Avropada quraqlıq xəbərdarlığı

11-06-2025
IMG

Orta Menzilli Hava Proqnozları üzrə Avropa Mərkəzinə bağlı olan Kopernik İqlim Dəyişikliyi Xidməti (C3S) elan edib ki, dünya üzrə orta səth temperaturu 2025-ci ilin may ayında 15,79°C-ə çatıb.Bu isə 1991-2020-ci illərin orta göstəricisindən 0,53°C yuxarıdır. Bu dəyər sənayedən əvvəlki dövrdə 1850-1900-cü illərin orta göstəricisindən 1,4°C yuxarıdır. Mütəxəssislər bildirirlər ki, bu temperatur artımı 2015-ci il Paris İqlim Müqaviləsində müəyyən edilmiş 1,5°C həddini qısa müddət ərzində də keçməyib. Bununla belə, qlobal istiləşmənin davam etdiyi və son 10 ilin ən isti illər arasında olduğu vurğulanır.

2025-ci ilin yaz ayları bütün Avropada, xüsusən də şimal-qərb bölgələrində olduqca quraq keçib. Quraqlıq bir çox ölkələrdə, xüsusən də Böyük Britaniyada hiss olunub və fermerlər bəzi bölgələrdə məhsul itkisi barədə məlumat veriblər. Kopernik məlumatlarına görə, Türkiyə, Ukrayna, Rusiyanın cənubu, şimal və mərkəzi Avropada 2025-ci ilin may ayında yağıntılar orta səviyyədən xeyli aşağı qeydə alınıb. Bəzi bölgələrdə 1979-cu ildən bəri ən aşağı torpaq rütubəti və yağıntı səviyyəsi də müşahidə olunub.
Qlobal miqyasda oxşar quraqlıqlar Şimali Amerika, Afrika Buynuzu, Afrikanın cənubu, Cənubi Amerika, Mərkəzi Asiya və Avstraliyanın cənubunda baş verib.

Paylaş:

Kateqoriyalar

Eyni kateqoriyalı xəbərlər