17 aprel 2025, cümə axşamı Bakı, 11°C
IMG-LOGO
  • 17 aprel 2025, cümə axşamı 07:20:36 Bakı , 11°C
Ana səhifə Xəbərlər Ətraflı

Xəbər lenti:

Yol polisi: Avtomobillərin səkilərdə park edilməsi yol-nəqliyyat hadisələri üçün zəmin yaradır

08-04-2025
IMG

Piyadaların iştirakı ilə yol qəzalarının baş verməsinə səbəb olan amillərdən biri də nəqliyyat vasitələrinin səkilərdə park edilməsidir.

Fhnews.az xəbər verir ki, bu barədə Bakı Şəhər Dövlət Yol Polisi İdarəsinin sürücülərə ünvanladığı müraciətdə deyilir.

Müraciətdə bildirilir ki, aparılan müşahidələr deməyə əsas verir ki, dəfələrlə edilən xəbərdarlıqlara və həyata keçirilən inzibati tənbeh tədbirlərinə baxmayaraq bəzi sürücülər yenə də nəqliyyat vasitələrini piyadaların rahat və təhlükəsiz hərəkəti üçün nəzərdə tutulan səkilərdə park edirlər: “Nəzərə almaq lazımdır ki, belə olduğu təqdirdə piyadalar avtomobil yolunda hərəkət etmək məcburiyyətində qalırlar və bu da öz növbəsində piyadaların iştirakı ilə baş verə biləcək yol-nəqliyyat hadisələrinə real zəmin yaradır.

Mövcud qanunvericiliyin tələbinə əsasən səkilərdə nəqliyyat vasitələrinin dayanması və durması qadağandır və qayda pozuntusu aşkar edildiyi halda sürücü barəsində İnzibati Xətalar Məcəlləsinin 346.9-cu maddəsinə əsasən 2 cərimə balı və 60 manat məbləğində cərimə tətbiq ediləcəkdir.

Odur ki, sürücülərdən dayanma və durma qaydalarına ciddi şəkildə riayət etmələrini və yol hərəkətinin ən müdafiəsiz iştirakçıları olan piyadalara maneə yaratmamağı xahiş edirik”

Paylaş:

Kateqoriyalar

Eyni kateqoriyalı xəbərlər