15 aprel 2025, çərşənbə axşamı Bakı, 11°C
IMG-LOGO
  • 15 aprel 2025, çərşənbə axşamı 16:25:20 Bakı , 11°C
Ana səhifə Xəbərlər Ətraflı

Xəbər lenti:

2021-ci ildə dünyasını dəyişən musiqiçinin yeni “bəstəsi”

14-04-2025
IMG

Avstraliyada bir qrup alim  dörd il əvvəl vəfat edən bəstəkar Alvin Lucierin qanından əldə edilən kök hüceyrələrdən istifadə edərək qeyri-adi sənət əsəri yaradıb. Bu əsərlə ziyarətçilər canlı orkestrin çıxışından çox, ölü insan beyninin yaratdığı simfoniyanı dinləyə bilərlər.

Avstraliyanın Qərb İncəsənət Qalereyasında "Reanimasiya" adlı yeni incəsənət instalyasiyası maraq doğurub.Muzeyə gələnlər canlı orkestrin deyil, uzun illər əvvəl dünyasını dəyişən insanın beyninin kiçik bir parçasının yaratdığı simfoniyaya qulaq asırlar.

Layihənin arxasında duran komanda amerikalı bəstəkar Alvin Lucierin DNT-sindən istifadə edərək onun virtual dirilməsini yaradıb.Tədqiqatçılar elektrik siqnallarından istifadə edərək daim musiqi bəstələyən bir növ beyin yaradıblar.

Üç rəssam və bir nevroloqdan ibarət komanda “Art Newspaper”ə kəşfləri ilə bağlı bunları söyləyib: “Reanimasiya insanın varlığını ölümün görünən əminliyindən kənara çıxaran qaranlıq imkanlara işıq salmaq cəhdidir.”

Sərginin mərkəzi hissəsi Lusierin həyatının son illərində bağışladığı qandan yetişdirilmiş “mini beyin” – beyin orqanoididir.

Layihənin yaradıcılarından olan rəssam Nathan Thompsonun sözlərinə görə, bu sinir toxuması beynin işini təqlid edir və canlı beyin kimi elektrik siqnalları verir. Quraşdırma divara yerləşdirilmiş 20 böyük mis lövhədən ibarətdir.

Hər bir lövhənin arxasında mini beyindən gələn sinir siqnallarına cavab verən dinamik və mexaniki çəkic var. Elektrik siqnalları bu mexanizmi işə salır və simfoniya yaradır.Əsərin ən maraqlı tərəfi odur ki, o, ətrafda baş verənlərə əsl insan beyni kimi reaksiya verə bilir.

Layihə müəllifləri rəssamın davam edən yaradıcılıq prosesini “ölümdən sonrakı oyun” kimi xarakterizə edir.

Paylaş:

Kateqoriyalar

Eyni kateqoriyalı xəbərlər