23 aprel 2025, çərşənbə
Bakı, 20°C
- 23 aprel 2025, çərşənbə 11:01:17 Bakı , 20°C
Britaniya alimləri insan hüceyrələri vasitəsilə təbii diş böyüdüblər
London Kral Kollecinin alimləri laboratoriyada ilk insan hüceyrələri vasitəsilə təbii diş böyüdüblər.
Fhnews.az “The Independent” nəşrinə istinadla xəbər verir ki, innovativ texnologiya dişləri xəstənin öz hüceyrələrindən yaratmağa imkan verir. Belə bioloji dişlərin ənənəvi implant və plomblardan əsas üstünlüyü onların çənə sümüyünə tam inteqrasiyası və təbii dişlər kimi olmasıdır.
Britaniya alimləri dişlərin əmələ gəlməsinin təbii mühitini təkrarlayan, xəstənin hüceyrələrini tam diş toxumasının əmələ gəlməsinə stimullaşdıran xüsusi material hazırlayıblar.
Tədqiqat qrupu hazırda inkişafın iki potensial tətbiqini nəzərdən keçirir. Birinci yanaşma, laboratoriyada bütöv bir dişin böyüdülməsini və sonra implant edilməsini əhatə edir. İkinci üsul, erkən mərhələdə olan diş hüceyrələrinin birbaşa xəstənin çənəsinə daxil edilməsini nəzərdə tutur.
Əvvəllər yapon alimləri USAG-1 zülalına təsir edərək yeni dişlərin böyüməsini stimullaşdırmaq üçün alternativ üsul təklif etmişdilər. Təcrübələr yeni dişin yeri inyeksiya ilə idarə olunmaqla “üçüncü nəsil” dişlərin yetişdirilməsi üçün bu texnologiyanın effektivliyini nümayiş etdirdi. Bu texnika artıq gəmiricilər üzərində uğurla sınaqdan keçirilib.
Çin orbitə üç astronavtla idarə olunan...
“SpaceX”in “Cargo Dragon” yük gəmisi...
Efiopiya ciddi maliyyə çatışmazlığı...
Avstraliya hakimiyyəti koalaların...
Nəfəs almaq üçün hava nə qədər...
