16 aprel 2025, çərşənbə Bakı, 9°C
IMG-LOGO
  • 16 aprel 2025, çərşənbə 12:20:22 Bakı , 9°C
Ana səhifə Xəbərlər Ətraflı

Xəbər lenti:

Tədqiqat: Parkinson xəstəliyini əlamətləri üzə çıxmadan qan testi ilə müəyyənləşdirmək mümkün olacaq

15-04-2025
IMG

İsrail və Britaniya tədqiqatçıları tərəfindən hazırlanmış yeni qan testi ilə Parkinson xəstəliyini simptomlar görünməyə başlamazdan əvvəl ən erkən mərhələlərdə müəyyənləşdirmək mümkün olacaq.

Fhnews.az xəbər verir ki, bu barədə İsrailin TPS-IL xəbər agentliyi məlumat yayıb. Bildirilib ki, Parkinson xəstəliyi xroniki, neyrodegenerativ xəstəlikdir və dünya əhalisinin yaşı artdıqca ona rastgəlmə tezliyi artır. Dünyada 10 milyondan çox insan bu xəstəlikdən əziyyət çəkir. Parkinson xəstəliyinin simptomları yavaş-yavaş inkişaf edir və ilkin mərhələdə adətən nəzərə çarpmır.

Xəstəliyin erkən əlamətlərindən biri bədənin bir tərəfində baş verən titrəmə və ya hərəkətlərin yüngül ləngiməsidir. İnsanlar hərəkətlərin əvvəlki kimi sürətli və çevik olmadığını hiss edə bilərlər. Zaman keçdikcə hərəkətlərin ləngiməsi artır və xəstəlik irəlilədikcə balans pozuntuları, yıxılma riski və hərəkət məhdudiyyəti ortaya çıxır. Mimikaların azalması və üz ifadələrinin zəifləməsi nəticəsində xəstənin üzü daha ifadəsiz görünə bilər. Əl yazısı getdikcə xırda və qeyri-müntəzəm olur. Gündəlik fəaliyyətlər, məsələn, geyinmək, qidalanmaq və ya yazmaq çətinləşir. Dərmanlar simptomları idarə etməyə kömək edə bilsə də, hazırda tam müalicəsi yoxdur. Parkinson xəstəliyinin müalicəsində əsas problemlərdən biri diaqnoz qoyulan zaman artıq nevroloji zədələrin çoxunun baş verməsidir.

Bu boşluğu aradan qaldıraraq, Qüds İvrit Universitetinin tədqiqatçıları bu yaxınlarda Parkinson xəstəliyini klinik simptomlar ortaya çıxmazdan əvvəl aşkar etməyə qadir olan əsaslı qan testini təqdim ediblər.

Araşdırma “Aging Nature” jurnalında dərc edilib.

Neyrodegenerativ xəstəliklərin diaqnozunun xərçəng diaqnozunun 50 il əvvəl olduğu səviyyədə olduğunu bildirən tədqiqatçı professor Soreq komandasının irəli sürdüyü bu testin həmin boşluğu aradan qaldıracağını söyləyib.

Paylaş:

Kateqoriyalar

Eyni kateqoriyalı xəbərlər