3 aprel 2025, cümə axşamı Bakı, 19°C
IMG-LOGO
  • 3 aprel 2025, cümə axşamı 14:33:07 Bakı , 19°C
Ana səhifə Xəbərlər Ətraflı

Xəbər lenti:

Tranzit həmrəylik yolu: Azərbaycanın xüsusi texnika karvanı Qazaxıstandan keçməklə Qırğızıstana gedir

02-04-2025
IMG

Qazaxıstanın Atırau vilayətinə aprelin 1-də Azərbaycandan Qırğızıstana göndərilən yanğınsöndürmə texnikası karvanı daxil olub.

Fhnews.az Qazaxıstan Fövqəladə Hallar Nazirliyinə istinadla xəbər verir ki, Atırau vilayətinin Fövqəladə Hallar Departamentinin əməkdaşları xüsusi texnikada olan xilasedici həmkarlarını hərarətlə qarşılayıblar.

Onlar Atırau xilasedicilərinin müşayiəti ilə Bişkekə doğru yollarını Aktobe vilayətinə doğru davam etdiriblər.

Xatırladaq ki, Azərbaycan Prezidenti İlham Əliyevin tapşırığına uyğun olaraq, ölkənin Fövqəladə Hallar Nazirliyi Qırğızıstana maddi-texniki yardım göndərib.

Bakı Beynəlxalq Dəniz Ticarət Limanından bərə ilə göndərilən humanitar yardım 10 ədəd xüsusi təyinatlı “KAMAZ” markalı yanğınsöndürən maşınından ibarətdir.

Qırğızıstan Fövqəladə Hallar Nazirliyinin maddi-texniki bazasının möhkəmləndirilməsinə dəstək məqsədilə göndərilən bu texnika yanğının effektiv şəkildə söndürülməsi üçün bütün zəruri texniki parametrlərlə təchiz edilib.

Paylaş:

Kateqoriyalar

Eyni kateqoriyalı xəbərlər