4 aprel 2025, cümə Bakı, 15°C
IMG-LOGO
  • 4 aprel 2025, cümə 08:53:19 Bakı , 15°C
Ana səhifə Xəbərlər Ətraflı

Xəbər lenti:

167 milyon illik tarixi kəşf

03-04-2025
IMG

Şotlandiyanın Skye adasında tapılan yeni dinozavr ayaq izləri 167 milyon il əvvəl ot yeyən və ətyeyən növlərin birlikdə yaşadığını ortaya qoyur. Edinburq Universitetinin tədqiqat qrupu Skye adasındakı Prince Charles Pointdə tapılan 131 dinozavr ayaq izini araşdırıb.

Tədqiqat zamanı T-Rex-in əcdadlarından biri olan ətyeyən meqalozavrların nadir izləri və nəhəng ot yeyən sauropodların iri dairəvi izləri aşkar edilib.

Tədqiqatçılar bu kəşfin dinozavrların Orta Yura dövründə su mənbələri ətrafında toplaşdıqlarını və yaşayış yeri olaraq laqonlara üstünlük verdiyini göstərdiyini bildiriblər.

“İndependent” yazır ki, onların ayaq izlərinin və yerimə naxışlarının nümunəsini təhlil edərək, onlar tarixdən əvvəlki dinozavrların müasir heyvanlar kimi su yaxınlığında toplaşdığını aşkar ediblər. "Bu ayaq izləri bizə ətyeyən teropodların və uzunboyunlu otyeyən sauropodların necə davrandığını və hansı mühitlərə üstünlük verdiklərini anlamağa kömək edir", - deyə tədqiqata rəhbərlik edən Tone Bleyksli bildirib.

Beş il əvvəl bölgədə tapılan ilk üç ayaq izindən sonra aparılan araşdırmalar, Skye adasının Şotlandiyanın ən böyük dinozavr izi bölgələrindən biri olduğunu ortaya qoyub.

Bölgəni ətraflı şəkildə araşdırmaq üçün tədqiqatçılar minlərlə aerofotoşəkillər çəkərək  fotoqrammetriya metodundan istifadə edib və 3D modellər yaradıblar. Yeni kəşflərin yolda olduğunu bildirən mütəxəssislər bu sahənin Yura dövrü ekosistemi haqqında daha çox məlumat verə biləcəyini düşünürlər.

Paylaş:

Kateqoriyalar

Eyni kateqoriyalı xəbərlər