4 aprel 2025, cümə Bakı, 16°C
IMG-LOGO
  • 4 aprel 2025, cümə 17:12:05 Bakı , 16°C
Ana səhifə Xəbərlər Ətraflı

Xəbər lenti:

Avstraliyalı tədqiqatçılar Antarktika qitəsindən yeni növ dəniz canlıları toplayıblar

03-04-2025
IMG

Avstraliyalı alimlər Antarktika qitəsinin şərqində apardıqları araşdırmalar zamanı elm aləmində yeni ola biləcək dəniz növlərinin nümunələrini topladıqlarını bildiriblər. Avstraliyanın “ABC News” telekanalının məlumatına görə, RSV Nuyina buzqıran gəmisi ilə Antarktika qitəsinin şərqinə 60 günlük səyahətə çıxan tədqiqatçılar, Avstraliyanın Antarktika Proqramı daxil olmaqla, 4 elmi qurumla əməkdaşlıq edərək, dəniz elminə yönəlmiş missiyanın bir hissəsini tamamlayıblar.

Şərqi Antarktidadakı Denman buzlağına isti suların təsirini araşdıran tədqiqatçılar Cənubi Okeandan topladıqları yeni biomüxtəliflik nümunələrini də təhlil ediblər.

Tədqiqatçılar elm aləmində artıq məlum olan bəzi növlərin, məsələn, "dəniz donuzu", dəniz dibində yaşayan kiçik xərçəngkimilər olan izopodların və suda üzərkən qanadlarını çırpan kimi görünən "dəniz kəpənəyi" adlı dəniz ilbizinin olduğunu ifadə ediblər. Onlar həmçinin misli görünməmiş canlı növləri ilə, o cümlədən “əl boyu” dəniz hörümçəkləri, “yemək qabı ölçüsünə çatan” dəniz ulduzları və bölgəyə endemik olan müxtəlif ahtapot növləri ilə də rastlaşdıqlarını qeyd ediblər.

Təxminən 4 min kilometrlik bu səyahət zamanı ən sürətli əriyən buzlaqlardan biri olan Denman buzlağından götürülmüş nümunələri araşdırdıqlarını, müxtəlif dərinliklərdə suyun istiliyi, duzluluğu və oksigen səviyyələrini təhlil etdiklərini bildirən alimlər buz kütləsinin son iyirmi ildə 5 kilometr geri çəkildiyini təyin etdiklərini ifadə ediblər. Fevral ayında yola çıxan tədqiqat qrupunun mayın əvvəlində Avstraliyanın Hobart şəhərinə qayıtması planlaşdırılır.

Paylaş:

Kateqoriyalar

Eyni kateqoriyalı xəbərlər