4 aprel 2025, cümə Bakı, 15°C
IMG-LOGO
  • 4 aprel 2025, cümə 17:45:19 Bakı , 15°C
Ana səhifə Xəbərlər Ətraflı

Xəbər lenti:

Türkiyə Mədəniyyət Yolu Festivalı aprelin 5-də Adanada başlayır

03-04-2025
IMG

Türkiyə Mədəniyyət və Turizm Nazirliyinin təşkil etdiyi "Türkiyə Mədəniyyət  Yolu Festivalı"nın ilk dayanacağı olan Adana 5-13 aprel tarixləri arasında rəngarəng tədbirlərə ev sahibliyi edəcək.

2021-ci ildən etibarən hər il inkişaf edən və sənətsevərlərlə görüşən festival bu il də iştirakçılara unudulmaz təcrübə yaşadacaq.Aprelin 5-dən noyabrın 9-dək Türkiyənin 20 şəhərində keçiriləcək mədəniyyət və incəsənət marafonu sərgilərdən konsertlərə qədər minlərlə tədbirdə yüzlərlə sənətçini sənətsevərlərlə bir araya gətirəcək.

Şəhərin 50-dən çox məkanında keçiriləcək festivalın ilk günü rəngarəng və möhtəşəm karnaval korteji ilə başlayacaq. Həmin gün onlarla fotoqraf indi ənənəvi olaraq keçirilən “Fotomarafon” tədbirində festivalın ən gözəl kadrlarını çəkmək üçün yarışacaq.

Adana Mədəniyyət Yolu Festivalı çərçivəsində dünyanın ən məşhur rəssamlarından Pablo Pikassonun əsərlərindən ibarət “Pablo Pikasso: Yaradılış hər şeydir” sərgisi Adana Muzey Kompleksində sənətsevərlərlə görüşəcək.

Sərgidə Pikassonun qravüralarından, rəsmlərindən, afişalarından, litoqrafik əsərlərindən və fotoşəkillərindən ibarət orijinal 50 əsər sənətsevərlərə təqdim olunacaq.

Paylaş:

Kateqoriyalar

Eyni kateqoriyalı xəbərlər