4 aprel 2025, cümə Bakı, 13°C
IMG-LOGO
  • 4 aprel 2025, cümə 07:18:55 Bakı , 13°C
Ana səhifə Xəbərlər Ətraflı

Xəbər lenti:

Cəbrayıl və Laçında növbəti əmək yarmarkaları keçiriləcək

03-04-2025
IMG

Cəbrayıl, Qubadlı, Zəngilan və Laçın rayonlarında Azərbaycan Respublikası Prezidentinin xüsusi nümayəndəliyinin dəstəyi ilə Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyi Cəbrayıl və Laçın rayonlarında növbəti əmək yarmarkaları keçirəcək.

Nazirliyin İctimaiyyətlə əlaqələr şöbəsindən verilən məlumata görə, yarmarkalar aprelin 8-də saat 11:00-da Cəbrayılda M.Mehdizadə adına tam orta məktəbdə, aprelin 9-da saat 11:00-da Laçında Seyrangah ərazisində təşkil ediləcək.

Yarmarkaların hər birində 10-dan çox işəgötürən tərəfindən 100-dən çox vakansiya (o cümlədən elektrik mühəndisi, departament müdiri, şöbə müdiri, böyük məsləhətçi, mühasib, anbardar, kassir, satıcı, çilingər, bənna, rəngsaz, aşbaz, nəzarətçi, santexnik, qazpaylayıcı stansiyada operator və s.) təqdim olunacaq.

Tədbirdə iştirak edən sakinlərə vakansiyalar və iş öhdəlikləri barədə məlumat veriləcək, uyğun namizədlərin qeydiyyatı aparılacaq.

Paylaş:

Kateqoriyalar

Eyni kateqoriyalı xəbərlər