4 aprel 2025, cümə Bakı, 11°C
IMG-LOGO
  • 4 aprel 2025, cümə 06:40:29 Bakı , 11°C
Ana səhifə Xəbərlər Ətraflı

Xəbər lenti:

Beynəlxalq hesabat: 2024-cü ildə azı 56 min insan itkin düşüb

03-04-2025
IMG

BMT-nin məlumatına görə, 2024-cü ildə son iyirmi il ərzində itkin düşənlərin sayında ən yüksək artım qeydə alınıb. Belə ki, ötən il münaqişə bölgələrində 56,559 insan itkin düşüb.

Fhnews.az BMT-nin məlumatına istinadla xəbər verir ki, aprelin 2-də Baş Assambleyanın brifinqi zamanı insan hüquqları üzrə ali komissar Volker Türk həyəcanverici yenilikləri paylaşıb. O, üzv dövlətləri silahlı münaqişə və beynəlxalq humanitar hüquqa məhəl qoyulmaması nəticəsində itkin düşənlərin sayında “görünməmiş” artımı həll etmək üçün daha çox iş görməyə çağırıb. Türkün sözlərinə görə, beynəlxalq humanitar hüququn pozulmasına görə davamlı cəzasızlıq mühiti daha çox sui-istifadə hallarına səbəb olur və böhranın miqyası getdikcə artır.

Brifinqdə silahlı qarşıdurmalarda itkin düşmüş şəxslərə diqqət yetirilsə də, bu neqativ halların həm də repressiyalar, terrorla mübarizə tədbirləri, miqrasiya, dissidentlərin və hüquq müdafiəçilərinin hədəfə alınması ilə bağlı olduğu vurğulanıb. “Məhz münaqişə, qeyri-sabitlik və repressiya şəraitində insanların itkin düşmə ehtimalı artır. Bu pozuntulara görə məsuliyyət vacibdir”, -deyə Volker Türk bildirib.

Tədbirdə çıxış edən BMT Baş Assambleyasının sədri Filemon Yanq da bu fikirləri bölüşüb: “Bizim hər bir itkin şəxsi müəyyənləşdirmək və tapmaq üçün mənəvi məsuliyyətimiz var”, -deyə o qeyd edib.

BMT-nin məcburi yoxlamalar üzrə işçi qrupu son 45 ildə bu məsələ üzrə 115 ölkədə 62 mindən çox işə baxıb. Təşkilat təəssüflə bildirir ki, bu rəqəm çox böyük bir aysberqin yalnız görünən hissəsidir. Filemon Yanq bu məlumatlar fonunda dünya ictimaiyyətini qətiyyətli addımlar atmağa çağırıb. O, hökumətləri, vətəndaş cəmiyyəti və qurbanların hüquqlarını müdafiə edən qrupları qlobal həmrəylik nümayiş etdirməyə və bu il BMT tərəfindən təşkil edilmiş İtkinlər üzrə Birinci Dünya Konqresinin qərarlarına uyğun hərəkət etməyə çağırıb.

Paylaş:

Kateqoriyalar

Eyni kateqoriyalı xəbərlər