4 aprel 2025, cümə Bakı, 14°C
IMG-LOGO
  • 4 aprel 2025, cümə 08:33:04 Bakı , 14°C
Ana səhifə Xəbərlər Ətraflı

Xəbər lenti:

İqdır diaspor təşkilatının nümayəndələri Azərbaycanın Qarsdakı baş konsulluğunda olublar

03-04-2025
IMG

İqdır diaspor təşkilatının – bu vilayətdəki Azərbaycan Evi Cəmiyyətinin nümayəndələri Azərbaycanın Qarsdakı baş konsulluğunda olublar.

Fhnews.az xəbər verir ki, görüşdə Türkiyənin şərqində fəaliyyət göstərən Azərbaycan diaspor təşkilatları arasında əməkdaşlığın daha da inkişafı məsələləri ətrafında fikir mübadiləsi aparılıb.

Azərbaycanın Qarsdakı baş konsulu Zamin Əliyevə Azərbaycan Evi Cəmiyyətinin fəaliyyəti barədə məlumat verilib.

Cəmiyyətin rəhbəri, Türkiyə-Azərbaycan Dostluq Cəmiyyətləri Federasiyasının (TADDEF) sədr müavini Serdar Ünsal diplomatik nümayəndəliyin rəhbərinə “Soyqırımı. Ürəyim İrəvanda qaldı” adlı kitabı təqdim edib.

“Biz bundan sonra da Azərbaycanın maraqlarına töhfə vermək və qardaş ölkələrin reallıqlarını ictimaiyyətə çatdırmaq üçün əlimizdən gələni edəcəyik”, - deyə o əmin edib.

Onun sözlərinə görə, ermənilərin müxtəlif ölkələrdə yaydıqları yalanlara qarşı mübarizə Türkiyə və Azərbaycanın diaspor təşkilatlarının fəaliyyətinin mühüm istiqaməti olaraq qalır. “Erməni diasporunu ifşa etmək və dünyaya onların əsl üzünü göstərmək vacibdir”, - deyə S.Ünsal bildirib.

TADDEF rəhbərinin müavini Türkiyənin Azərbaycanın hər bir uğuruna ürəkdən sevindiyini vurğulayıb. O əlavə edib: “Əminəm ki, ölkələrimiz arasında qardaşlıq əsrlər boyu davam edəcək”.

Görüşdə çıxış edən Azərbaycan Evi Cəmiyyətinin sədr müavini Erhan Yayçı Azərbaycanın tarixi torpaqlarının Ermənistanın işğalından azad edilməsinə yüksək qiymət verib. O deyib: “Ermənilərə lazımi dərs verildi. “Qarabağ Azərbaycandır!”

Azərbaycanın baş konsulu diaspor təşkilatının nümayəndələrinə diplomatik nümayəndəliyi ziyarətə və qardaş xalqların yaxınlaşması işinə verdiyi töhfələrə görə təşəkkürünü bildirib.

Paylaş:

Kateqoriyalar

Eyni kateqoriyalı xəbərlər