3 aprel 2025, cümə axşamı Bakı, 18°C
IMG-LOGO
  • 3 aprel 2025, cümə axşamı 13:09:11 Bakı , 18°C
Ana səhifə Xəbərlər Ətraflı

Xəbər lenti:

Avropada dabaq epidemiyası yayılır

02-04-2025
IMG

Slovakiya və Macarıstanda müşahidə edilən bu xəstəlik Avropada panikaya səbəb olub. Çoxsayda mal-qaranın tələf olmasına səbəb olan epidemiyaya görə bölgə ölkələri yeni tədbirlər görür.

Slovakiyanın Macarıstanla sərhədində aşkarlanan və sonradan hər iki ölkədə yayılan dabaq xəstəliyi səbəbindən bir çox heyvan məhv edilib.

Avstriya Səhiyyə Nazirliyindən verilən yazılı açıqlamada, bu iki ölkədən diri heyvan, təzə ət və süd gətirmək qadağandır.

Açıqlamada qeyd olunub ki, sözügedən ölkə sərhədlərində xüsusilə nəqliyyat sahəsində nəzarət gücləndirilib, ciddi gigiyena qaydaları tətbiq edilib.

Bundan əlavə, açıqlamada hər iki ölkənin sərhədində yerləşən təsərrüfatlarda və oxşar müəssisələrdə gigiyena tədbirlərinin gücləndirildiyi, mütəmadi olaraq sınaq və nəzarətlərin həyata keçirilməyə başlandığı bildirilib.

Tədbirləri artıran Çexiyada isə  yük maşınları Avstriya, Slovakiya və Macarıstan sərhədlərində yoxlanılacaq və dezinfeksiya ediləcək.

Bildirilib ki, xüsusilə Çexiyanın Macarıstanla sərhədində yerləşən təsərrüfatlarda xəstəliyin əvvəlcədən aşkarlanması üçün PCR testlərinin aparılmasına başlanılıb. Macarıstan mətbuatının məlumatına görə, dabaq xəstəliyi səbəbindən ölkədə 2700-ə yaxın iribuynuzlu heyvan məhv edilib.

Dabaq xəstəliyinə görə fövqəladə vəziyyət elan edilən Slovakiyada kəsilən heyvanların sayı ilə bağlı hələlik heç bir açıqlama verilməyib.

Paylaş:

Kateqoriyalar

Eyni kateqoriyalı xəbərlər