3 aprel 2025, cümə axşamı Bakı, 18°C
IMG-LOGO
  • 3 aprel 2025, cümə axşamı 13:13:23 Bakı , 18°C
Ana səhifə Xəbərlər Ətraflı

Xəbər lenti:

Misirdə 3600 illik əsrarəngiz döyüşçü padşahların məzarlığı tapılıb

02-04-2025
IMG

Misirdə Anubis dağındakı məzarlıq kompleksində qədim Misirin naməlum kralının məzarı aşkar edilib. Arxeoloqlar Günəş tanrısı Anubisə həsr olunmuş bu ərazidə apardıqları qazıntılar zamanı 3600 illik dəfn kamerası aşkar ediblər.

Qazıntı qrupunun rəhbərlərindən olan Josef Vegner "Yeni bir fironun məzarının tapılması çox nadir bir hadisədir" deyərək, bu tapıntıların çox nadir olduğuna diqqət çəkib.

Tədqiqatçılar bildirirlər ki, qəbir divarındakı yazılar dağıdıldığı üçün hələ də fironun kimliyini müəyyən edə bilməmişlər. Lakin bu tapıntı eramızdan əvvəl 3000-ci ilə aiddir. Alimlərin fikrincə, bu məzar 1640-1540-cı illər arasında bir dövrə işıq sala bilər. 

Türbə Misirin ən qədim şəhərlərindən biri olan Abydosun bir hissəsidir. Arxeoloqlar onun Misirin İkinci keçid dövründə mövcud olmuş döyüşən sülalələrdən biri olan Abydos sülaləsinə aid olduğuna inanırlar. Bu, həqiqətən də sirli bir sülalədir. Bu, Abydos bölgəsində Vegner tərəfindən aşkar edilən 9-cu firon məzarı olub. Seneb Kay adlı fironun qalıqları daha əvvəl 2014-cü ildə aparılan qazıntılar zamanı tapılmışdı.Araşdırmalar nəticəsində məlum olub ki, Seneb Kay müharibədə həyatını itirib.

Yeni tapılan türbədə divarlar digər Abydos fironlarının məzarları kimi heroqlif və rəsmlərlə bəzədilib. Lakin məzar quldurlarının fironun adının olduğu yazıları zədələdiyi müəyyən edilib.

Arxeoloqlar fironun kimliyini ortaya çıxarmaq üçün türbənin ətrafında qazıntıları davam etdirirlər. Onların ən böyük ümidi fironun mumiyalanmış orqanlarının saxlandığı kanopik qabları tapmaqdır.Arxeoloqlar bu yay da qazıntıları davam etdirməyi planlaşdırır. Alimlər Anubis dağı bölgəsinin bir zamanlar fironların dəfn olunduğu kral qəbiristanlığı kimi istifadə edildiyini və yeni kəşflərin bölgənin tarixi ilə bağlı mühüm məlumatlar verə biləcəyini bildirirlər.

Paylaş:

Kateqoriyalar

Eyni kateqoriyalı xəbərlər