3 aprel 2025, cümə axşamı Bakı, 18°C
IMG-LOGO
  • 3 aprel 2025, cümə axşamı 12:56:50 Bakı , 18°C
Ana səhifə Xəbərlər Ətraflı

Xəbər lenti:

NASA-nın Günəş zondu rekord uçuşu təkrarlayır

02-04-2025
IMG

NASA-nın “Parker” günəş zondu 2024-cü ilin dekabrında Günəşin səthinə cəmi 6,1 milyon kilometr məsafəyə yaxınlaşaraq qırdığı rekordu bir daha təkrarlayıb. 

Bu məsafə süni cismin Günəşə çatdığı ən yaxın məsafə kimi qeydə alınıb. Bu vaxt, zond saatda təxminən 192 kilometr sürətlə hərəkət edərək, süni obyektin çatdığı ən yüksək sürətə çatıb.

Hər iki rekord ilk dəfə 24 dekabr 2024-cü ildə qırılıb. Bu il martin 22-də bu uğur yenidən təkrarlanıb və zond bir daha Günəşin təxminən 8,3 milyon kilometr dərinliyə qədər uzanan atmosferinə girib.

Parkerə bu cəsarətli missiyanı uğurla yerinə yetirməyə imkan verən ən mühüm element ekstremal temperaturlara davamlı xüsusi istilik qalxanı olub. Günəşin atmosferi onun səthindən milyonlarla dərəcə isti olduğu üçün zondun bu temperaturlara müqavimət göstərməsi böyük mühəndislik nailiyyəti hesab olunur.

2018-ci ildə buraxılan “Parker Solar Probe” Günəşin atmosferini, hissəcik axınlarını və maqnit sahələrini öyrənmək üçün getdikcə daha yaxın orbitlərdən keçərək kritik məlumatları toplayır.

Martın 22-də baş verən uçuş zondun 23-cü uçuşu olub. 6,1 milyon kilometr məsafəyə beş keçid etməsi planlaşdırılan zondun üçüncü yaxın keçidi iyunun 19-da baş tutacaq.Sistemləri işləməyə davam edərsə, Parker sentyabrın 15-də və dekabrın 12-də daha iki keçid edəcək.Parkerin gələcəkdə hansı yolu tutacağı elm adamları tərəfindən yaxından izlənəcək.

Paylaş:

Kateqoriyalar

Eyni kateqoriyalı xəbərlər