4 aprel 2025, cümə Bakı, 11°C
IMG-LOGO
  • 4 aprel 2025, cümə 06:58:18 Bakı , 11°C
Ana səhifə Xəbərlər Ətraflı

Xəbər lenti:

Azərbaycan cüdo yığmasının Avropa çempionatı üçün heyəti açıqlanıb

03-04-2025
IMG

Cüdo üzrə Azərbaycan milli komandasının aprelin 23–27-də Monteneqronun paytaxtı Podqoritsa şəhərində keçiriləcək Avropa çempionatı üçün heyəti açıqlanıb.

Azərbaycan Cüdo Federasiyasından verilən məlumata görə, turnirdə ölkəmizi 12 çəki dərəcəsində ümumilikdə 16 cüdoçu (9 kişi, 7 qadın) fərdi yarışlarda təmsil edəcək.

Cüdoçularımız Avropa çempionatları tarixində ilk dəfə böyüklər arasında qarışıq komanda yarışında da iştirak edəcəklər. Həmçinin, Olimpiya çempionları Hidayət Heydərov və Zelim Kotsoyev Paris Olimpiadasından sonra ilk dəfə tatami üzərinə çıxacaqlar.

Milli komandanın üzvləri performans direktor və böyüklərdən ibarət yığmanın baş məşqçisi Riçard Trautman, böyük məşqçilər Elçin İsmayılov, Robert Kravçik və Slavko Tekiç, qadınlardan ibarət yığmanın baş məşqçisi Amina Abdullatif və məşqçi Saşa Herkenrat-Vimarın rəhbərliyi ilə tatamiyə çıxacaqlar.

Beləliklə, Avropa çempionatında kişilərin mübarizəsində Əhməd Yusifov, Turan Bayramov (hər ikisi 60 kiloqram), Ruslan Paşayev (66 kiloqram), Hidayət Heydərov (73 kiloqram), Zelim Tçkayev, Ömər Rəcəbli (hər ikisi 81 kiloqram), Zelim Kotsoyev (100 kiloqram), Uşanqi Kokauri (+100 kiloqram), qadınların yarışında isə Könül Əliyeva (48 kiloqram), Aydan Vəliyeva, Gültac Məmmədəliyeva (hər ikisi 52 kiloqram), Fidan Əlizadə (57 kiloqram), Günel Həsənli, Südabə Ağayeva (hər ikisi 70 kiloqram) və Nigar Süleymanova (78 kiloqram) qüvvəsini sınayacaq.

Kişi cüdoçulardan ibarət yığmamızın heyətində 90 kiloqram çəki dərəcəsində iştirakçı Dubrovnikdə keçiriləcək Avropa Kubokundan sonra müəyyənləşəcək. Vüsal Qələndərzadə (73 kiloqram) isə qarışıq komanda yarışlarında heyətə qoşulacaq.

Paylaş:

Kateqoriyalar

Eyni kateqoriyalı xəbərlər