3 aprel 2025, cümə axşamı Bakı, 17°C
IMG-LOGO
  • 3 aprel 2025, cümə axşamı 11:25:18 Bakı , 17°C
Ana səhifə Xəbərlər Ətraflı

Xəbər lenti:

Sinqapurda keçirilən beynəlxalq festivalda Azərbaycanın sosial sahədə rəqəmsal uğurlarından bəhs olunub

02-04-2025
IMG

Əmək və Əhalinin Sosial Müdafiəsi Nazirliyinin tabeliyindəki DOST Rəqəmsal İnnovasiyalar Mərkəzinin (DOST RİM) direktoru Kənan Əkpərov Sinqapurun “GovInsider” təşkilatının keçirdiyi “GovMesh-İnnovasiya Festivalı”nda iştirak edib.

Nazirliyin İctimaiyyətlə əlaqələr şöbəsindən verilən məlumata görə, o, festival çərçivəsində keçirilən sessiyada çıxış edərək son illər Azərbaycanda əmək, məşğulluq, sosial müdafiə və sosial təminat sahələrində elektron xidmətlərin geniş tətbiqi, proaktiv xidmət mexanizminin yaradılması sahəsində əldə olunan uğurlar barədə məlumat verib.

Sessiyada Azərbaycanla yanaşı, Almaniya, Butan, Yaponiya, İndoneziya, Monteneqro və Cənubi Koreyadan olan nümayəndələr iştirak ediblər.

Tədbirdə iştirak edən ölkələrin rəqəmsal təcrübələrinə dair təqdimatlar olub. Ölkəmizdə sosial sahə üzrə dövlət sektorunda transformasiyalar və onların geniş tətbiqini əhatə edən ətraflı təqdimat da edilib.

Qeyd edək ki, "GovInsider" təşkilatı dövlət sektorunda innovasiyaları təşviq etmək üçün fəaliyyət göstərən geniş platformadır. Təşkilatın keçirdiyi budəfəki sessiyada dövlət sektorundan 300-dən çox mütəxəssis olmaqla ümumilikdə 20 ölkədən 2000 nəfər iştirak edib.

Paylaş:

Kateqoriyalar

Eyni kateqoriyalı xəbərlər