4 aprel 2025, cümə Bakı, 11°C
IMG-LOGO
  • 4 aprel 2025, cümə 06:35:00 Bakı , 11°C
Ana səhifə Xəbərlər Ətraflı

Xəbər lenti:

BANM komandaları İtaliyanın “Maire” şirkətinin müsabiqəsində qalib oldu

03-04-2025
IMG

SOCAR-ın Bakı Ali Neft Məktəbində (BANM) “Daha yaxşı enerji keçidi üçün həllər hansılardır?” adlı müsabiqənin bağlanış mərasimi keçirilib.

Bu barədə BANM-dən bildirilib. Tədbirdə BANM-in rektoru Elmar Qasımov, İtaliyanın “Maire” şirkətinin Azərbaycan, Türkiyə və Gürcüstan bölgəsi üzrə vitse-prezidenti Lucio Negro, Mərkəzi Asiya, Xəzər və Türkiyə regionu üzrə vitse-prezidenti Nikolo Heilpern, İtaliyanın ölkəmizdəki səfirliyinin birinci katibi Marvin Seniga, eləcə də “Maire”nin layihə mühəndisi və BANM məzunu Zərifə Orucova, insan resursları üzrə menecer Aida Bəşirova iştirak ediblər. Şirkətin institusional əlaqələr, kommunikasiya və davamlılıq üzrə vitse-prezidenti Nicolais Carlo və bir sıra nümayəndələri isə onlayn formatda tədbirə qoşulublar.

Müsabiqənin qalibi “Block Power” və “Climasel” komandaları olub və hər komandaya 3000 AZN məbləğində pul mükafatı təqdim edilib.

“Block Power” komandası:

Anar Nəcəfli ( kapitan ) - Proseslerin avtomatlaşdırılması mühəndisliyi, IV kurs

Fidan Kərimli - Proseslerin avtomatlaşdırılması mühəndisliyi, IV kurs

Nicat Piriyev - ⁠ Proseslerin avtomatlaşdırılması mühəndisliyi, IV kurs

Sahib Rzayev - Kompüter mühəndisliyi, IV kurs

Rəvan Quluzadə - Proseslerin avtomatlaşdırılması mühəndisliyi, IV kurs

“Climasel” komandası:

Fatimə Nəsirova- Kimya mühəndisliyi, III kurs

Xəyalə Miriyeva - Kimya mühəndisliyi, III kurs

Zərifə Əsədullayeva - Kimya mühəndisliyi, III kurs

Aydan Eyvazova - Biznesin idarə edilməsi, III kurs

Qüdrət Abbaslı - Biznesin idarə edilməsi, III kurs

Ümumilikdə müsabiqəyə BANM-dən 37 komanda müraciət edib.

Məqsəd tələbələrin enerji keçidi sahəsində innovativ ideyalar irəli sürməsinə dəstək vermək və bu sahədə beynəlxalq təcrübəni bölüşməkdir.

Paylaş:

Kateqoriyalar

Eyni kateqoriyalı xəbərlər