4 aprel 2025, cümə Bakı, 11°C
IMG-LOGO
  • 4 aprel 2025, cümə 06:41:39 Bakı , 11°C
Ana səhifə Xəbərlər Ətraflı

Xəbər lenti:

AQTA "Sözdən əmələ keç, sağlam qidalanmanı seç!" layihəsinə start verir

03-04-2025
IMG

Azərbaycan Respublikasının Qida Təhlükəsizliyi Agentliyi (AQTA) sağlam qidalanmanın əhəmiyyətini daha geniş kütləyə çatdırmaq və əhalini bu sahədə maarifləndirmək məqsədilə yeni bir təşəbbüsə başlayır.

AQTA-nın İnformasiya təminatı və innovativ həllər şöbəsindən verilən məlumata görə, "Sözdən əmələ keç, sağlam qidalanmanı seç!" adlı layihə çərçivəsində müxtəlif silsilə tədbirlərin keçirilməsi nəzərdə tutulur. Layihə istehlakçılara sağlam qidalanma vərdişlərini aşılayacaq. Həmçinin bu təşəbbüsün ölkəmizdə sağlam həyat tərzinə töhfə verməsi hədəflənir.

Kampaniya AQTA, BMT-nin Ərzaq və Kənd Təsərrüfatı Təşkilatı (FAO), Ümumdünya Səhiyyə Təşkilatı (ÜST) və Nutrisiologiya və Diyetologiya Assosiasiyası (NÜDİA) ilə birgə reallaşdırılacaq. Bu layihə çərçivəsində müxtəlif maarifləndirici tədbirlər təşkil ediləcək, ictimai yerlərdə təşviqat xarakterli kampaniyalar keçiriləcək. Həmçinin sosial mediada sağlam qidalanma ilə bağlı maraqlı informasiyalar yayımlanacaq, mütəxəssislərin iştirakı ilə diskussiyalar aparılacaq.

"Sözdən əmələ keç, sağlam qidalanmanı seç!" layihəsi hər kəsi sağlam qidalanma haqqında düşünməyə və qida israfını azaltmaq üçün praktik addımlar atmağa çağırır. Layihədən yararlanan hər kəs bu hərəkatın fəal iştirakçısına çevrilə bilər.

Layihə çərçivəsində sağlam qidalanma sahəsində əhəmiyyətli irəliləyişə nail olmaq planlaşdırılır.

Paylaş:

Kateqoriyalar

Eyni kateqoriyalı xəbərlər