5 aprel 2025, şənbə Bakı, 10°C
IMG-LOGO
  • 5 aprel 2025, şənbə 06:03:42 Bakı , 10°C
Ana səhifə Xəbərlər Ətraflı

Xəbər lenti:

UNEC-in 3 komandası “BRAND BOOM” marketinq müsabiqəsinin qalibi oldu

04-04-2025
IMG

“Azərsun Holding”in təşəbbüsü ilə Azərbaycanda ilk dəfə təşkil olunan “BRAND BOOM” marketinq müsabiqəsində Azərbaycan Dövlət İqtisad Universitetinin (UNEC) tələbələri böyük uğura imza atıblar.

UNEC-dən verilən məlumata görə, gənclərin marketinq sahəsində bacarıqlarını inkişaf etdirmək və onları real biznes mühitinə hazırlamaq məqsədilə keçirilən müsabiqədə universitetin üç komandası qalib olub. Birinci yerə SABAH Mərkəzinin tələbələri Nərgiz Tarverdiyeva, Mədinə İbadzadə və Beynəlxalq Magistratura və Doktorantura Mərkəzinin tələbəsi Ülviyyə Əliyevadan ibarət olan “TRUE MUN” komandası layiq görülüb. Qalib komanda 3500 manat məbləğində pul mükafatı qazanıb. Üçüncü yerin sahibi isə Rus İqtisad Məktəbinin tələbələri Rüfət Hüseynzadə, Əfşan İbrahimzadə və Rəfael Məcidovdan ibarət “R.A.R. CREW” komandası olub. Bu komanda 1500 manat mükafatla təltif olunub. Bundan əlavə, “Jüri simpatiyası” nominasiyası üzrə qalib gələn “Spark” komandası da müsabiqədə fərqlənib. Komandanın üzvləri Beynəlxalq İqtisadiyyat Məktəbinin tələbələri – Nihad Cəfərzadə, Bayram Fətullayev və Aygün Qarayevadır.

Paylaş:

Kateqoriyalar

Eyni kateqoriyalı xəbərlər