3 aprel 2025, cümə axşamı Bakı, 11°C
IMG-LOGO

FHN-in Şimal Regional Mərkəzi nümunəvi obyekt mülki müdafiə məşqi keçirib

24-06-2024
IMG

Fövqəladə Hallar Nazirliyinin Şimal Regional Mərkəzi tərəfindən Quba şəhərində yerləşən “Şahdağ Quba Truskavets” müalicəvi-bərpa istirahət kompleksində “Fövqəladə hadisələrin nəticələrinin aradan qaldırılması zamanı mülki müdafiə orqan və qüvvələrinin idarə edilməsinin təşkili” mövzusunda nümunəvi obyekt mülki müdafiə məşqi keçirilib.

Məşqdə Şimal Regional Mərkəzinin və Quba Rayon İcra Hakimiyyəti yanında Fövqəladə Hallar Komissiyasının üzvləri iştirak edib.

Məşqin keçirilməsində əsas məqsəd istirahət kompleksinin heyətinin fövqəladə hadisələrlə bağlı hazırlıq səviyyəsinin yoxlanılması və bu sahədə bilik və bacarıqlarının təkmilləşdirilməsi olub.

Məşq zamanı baş vermiş şərti fövqəladə hadisə ilə əlaqədar təxliyə, “zərərçəkmişlərə ilkin yardımın göstərilməsi” və digər əməliyyatlar icra olunub.

Uğurla reallaşdırılan məşqdən sonra əldə edilmiş nəticələr müzakirə olunub, aidiyyəti üzrə tapşırıqlar verilib.

Paylaş: