26 dekabr 2024, cümə axşamı Bakı, 9°C
IMG-LOGO
  • 26 dekabr 2024, cümə axşamı 22:05:19 Bakı , 9°C
Ana səhifə Xəbərlər Ətraflı

Xəbər lenti:

FHN tərəfindən kiçikhəcmli gəmilərin istismarı ilə əlaqədar birgə nəzarət tədbirləri həyata keçirilib

29-11-2024
IMG

Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidməti kiçikhəcmli gəmi istifadəçiləri tərəfindən təhlükəsizlik qaydalarına riayət olunmasının müəyyən edilməsi məqsədilə birgə nəzarət tədbirləri həyata keçirib.

Nəzarət tədbirləri İmişli rayonu ərazisində yerləşən Sarısu ovçuluq təsərrüfatında Ekologiya və Təbii Sərvətlər Nazirliyinin 3 saylı Regional Ekologiya və Təbii Sərvətlər İdarəsi və Daxili İşlər Nazirliyinin Su Nəqliyyatında Polis İdarəsinin İmişli Xətt Polis Məntəqəsinin əməkdaşları ilə birgə həyata keçirilib.

Tədbir zamanı ümumilikdə 15 qayıq saxlanılaraq texniki və qeydiyyat sənədləri, təchizat və xilasetmə vasitələri, həmçinin kiçikhəcmli gəmi sürücülərinin sürücülük vəsiqələri yoxlanılıb.

İstismar qaydalarının tələblərinə cavab verməyən 5 ədəd avarlı qayığın fəaliyyətinə qadağa qoyulub.

Eyni zamanda, kiçikhəcmli gəmi sürücüləri kollektiv və fərdi xilasedici vasitələrdən istifadə qaydaları, sözügedən gəmilərin təchizat avadanlıqlarının norma və tələbləri ilə bağlı bir daha maarifləndirilib.

Paylaş:

Kateqoriyalar

Eyni kateqoriyalı xəbərlər