27 dekabr 2024, cümə Bakı, 9°C
IMG-LOGO
  • 27 dekabr 2024, cümə 03:33:09 Bakı , 9°C
Ana səhifə Xəbərlər Ətraflı

Xəbər lenti:

AMEA: Humanitaryönümlü müəssisələr tərəfindən 13 mühüm elmi nəticə əldə edilib

26-12-2024
IMG

Bu il AMEA Humanitar Elmlər Bölməsinin (HEB) elmi müəssisələri tərəfindən 9 beynəlxalq, 12 respublika əhəmiyyətli elmi konfrans, 100-ə yaxın tədbir keçirilib. HEB-in nəzdində fəaliyyət göstərən elmi müəssisələr tərəfindən 13 mühüm elmi nəticə əldə edilib.

Fhnews.az xəbər verir ki, bu barədə Humanitar Elmlər Bölməsinin elmi-tədqiqat müəssisələrinin 2024-cü ilin yekunlarına həsr olunmuş ümumi yığıncağında məlumat verilib.

Qeyd olunub ki, HEB-in elmi müəssisələrində 6 istiqamət üzrə 34 problem, 71 mövzu, 438 iş üzrə elmi-tədqiqat işləri aparılıb, 11 problem üzrə 314 iş tam icra olunub.

Humanitaryönümlü elmi-tədqiqat müəssisələrinin alimləri 136 kitab (7-si xaricdə), 58 monoqrafiya (8-i xaricdə), 1784 məqalə (431-i xaricdə) və 253 tezis (154-ü xaricdə) nəşr etdiriblər. “Web of Science” və “Scopus” bazalarında əməkdaşların 20 məqaləsi (Ədəbiyyat İnstitutu 18, Əlyazmalar İnstitutu 1, Memarlıq və İncəsənət İnstitutu 1) işıq üzü görüb.

HEB-in elmi müəssisələrində 68 fəlsəfə doktoru və 20 elmlər doktoru hazırlığı üzrə təhsil həyata keçirilib. 36 fəlsəfə, 11 elmlər doktoru hazırlığı üzrə dissertasiya işi müdafiə edilib.

Humanitar Elmlər Bölməsinin elmi müəssisələrinin 2024-cü ildəki fəaliyyəti yüksək səviyyədə qiymətləndirilərək bölmə üzvləri tərəfindən yekdilliklə qəbul olunub.

Paylaş:

Kateqoriyalar

Eyni kateqoriyalı xəbərlər