25 dekabr 2024, çərşənbə Bakı, 10°C
IMG-LOGO
  • 25 dekabr 2024, çərşənbə 14:39:37 Bakı , 10°C
Ana səhifə Xəbərlər Ətraflı

Xəbər lenti:

Dekabrın ötən dövründə maksimal temperatur Sabirabad, Bakı və Abşeron yarımadasında qeydə alınıb

23-12-2024
IMG

Bu ilin dekabr ayının ötən dövründə ölkə üzrə havanın temperaturu bəzi günlərdə normadan yuxarı, bəzi günlərdə isə normadan aşağı olub. Bakı və Abşeron yarımadasında havanın temperaturu iqlim norması ilə müqayisədə 16 gün normadan yuxarı, 1 gün norma daxilində, 6 gün isə normadan aşağı qeydə alınıb.

Fhnews.az xəbər verir ki, bunu Milli Hidrometeorologiya Xidmətinin rəsmisi Gülnarə Abbasova bildirib.

Onun sözlərinə görə, dekabrın ötən dövründə maksimal temperatur dekabrın 18-də qeydə alınıb ki, həmin gün temperatur ölkə üzrə Sabirabadda 17°, Bakıda və Abşeron yarımadasında isə 15.9° isti olub. Minimal temperatur isə ölkə üzrə dekabrın 15-i Şahdağda 22° şaxta, Bakıda və Abşeron yarımadasında isə 2.6° şaxta müşahidə edilib. Bölgələr üzrə dekabrın ötən dövrüdə 13 gün yağıntılı hava şəraiti qeydə alınıb. Ən çox yağıntı aylıq normanın 219 faizi olmaqla Bakı və Abşeron yarımadasına, bölgələr üzrə aylıq normanın 132 faizi olmaqla Mərkəzi Aran zonasına düşüb.

G.Abbasova qeyd edib ki, dekabr ayının ötən dövrünün bəzi günlərində ölkə ərazisinin əksər bölgələrinə sulu qar, qar yağıb. Qar örtüyünün maksimal hündürlüyü dağlıq rayonlarda 10-20, Bakı və Abşeron yarımadasında 2 santimetr olub.

“Dekabr ayının ötən dövrünün bəzi günlərində küləkli hava şəraiti ilə bağlı ölkə üzrə rəng şkalasına uyğun olaraq, sarı və narıncı xəbərdarlıqlar verilib. Bakıda və Abşeron yarımadasında, eyni zamanda, bölgələrdə 9 gün küləkli hava şəraiti müşahidə olunub, küləyin maksimal sürəti 34 metr/saniyəyədək güclənib”, - deyə xidmət rəsmisi bildirib.

Paylaş:

Kateqoriyalar

Eyni kateqoriyalı xəbərlər