1 may 2025, cümə axşamı Bakı, 12°C
IMG-LOGO
  • 1 may 2025, cümə axşamı 02:46:51 Bakı , 12°C
Ana səhifə Xəbərlər Ətraflı

Xəbər lenti:

“Tərlan-2025” birgə PUA təliminin planlaşdırma konfransı keçirilib

30-04-2025
IMG

Azərbaycan Hərbi Hava Qüvvələrinin (HHQ) “N” hərbi hissəsində Qazaxıstan Respublikası Silahlı Qüvvələrinin Pilotsuz Uçuş Aparatlarının (PUA) Tətbiqi və İnkişaf Departamentinin nümayəndə heyətinin iştirakı ilə “Tərlan-2025” birgə PUA təliminin planlaşdırma konfransı keçirilib.

Müdafiə Nazirliyinin mətbuat xidmətindən verilən məlumata görə, tədbir iştirakçılarına iyulda Bakıda keçirilməsi nəzərdə tutulan "Tərlan-2025" birgə PUA təliminin məqsəd və tapşırıqlarını özündə əks etdirən brifinq təqdim olunub.

Qeyd olunub ki, keçiriləcək birgə təlimdə əsas diqqət PUA-lardan istifadə olunmaqla əməliyyatların planlaşdırılması, icra və qiymətləndirmə bacarıqlarının inkişaf etdirilməsi, müxtəlif ölkələrin bölmələri arasında qarşılıqlı əlaqənin təkmilləşdirilməsi və PUA əleyhinə müdafiənin gücləndirilməsinə yönəldiləcək.

Daha sonra Azərbaycan və Qazaxıstan hərbi qulluqçularının iştirakı ilə keçiriləcək birgə təlimə dair bir çox məsələlər ətrafında geniş fikir mübadiləsi aparılıb, qarşılıqlı maraq doğuran suallar cavablandırılıb.

Paylaş:

Kateqoriyalar

Eyni kateqoriyalı xəbərlər