30 aprel 2025, çərşənbə Bakı, 11°C
IMG-LOGO
  • 30 aprel 2025, çərşənbə 09:18:32 Bakı , 11°C
Ana səhifə Xəbərlər Ətraflı

Xəbər lenti:

Qubada qəzalı vəziyyətə düşən körpünün bərpasına başlanılıb

29-04-2025
IMG

Quba rayonunda intensiv yağıntılar nəticəsində yaranmış güclü sel sularının qəzalı vəziyyətə saldığı körpünün bərpasına başlanılıb.

Azərbaycan Avtomobil Yolları Dövlət Agentliyindən verilən məlumata görə, Quba-Qonaqkənd-Muçu avtomobil yolunun 7-ci kilometrində Qaraçay çayı üzərində 101 metr uzunluğa malik və 4 aşırımdan ibarət körpünün dayaqları sel suları nəticəsində yuyulmuşdu.

Dərhal əraziyə agentliyin əməkdaşları cəlb olunaraq əlavə təhlükəsizlik tədbirləri görülüb və körpü ilə avtonəqliyyat vasitələrinin hərəkəti tam məhdudlaşdırılıb. Körpüyə mütəxəssislər tərəfindən baxış keçirilərək əraziyə xüsusi texnikalar və canlı qüvvə səfərbər olunub.

Sürücülər müvəqqəti olaraq alternativ yol kimi Quba-Pirvahid-İkinci Nügədi avtomobil yolundan istifadə edirlər.

Paylaş:

Kateqoriyalar

Eyni kateqoriyalı xəbərlər