30 aprel 2025, çərşənbə Bakı, 11°C
IMG-LOGO
  • 30 aprel 2025, çərşənbə 08:39:35 Bakı , 11°C
Ana səhifə Xəbərlər Ətraflı

Xəbər lenti:

Vətəndaşlar polis rəislərinə birbaşa müraciət edəcəklər
 

29-04-2025
IMG

Vətəndaşlara göstərilən xidmətlərin keyfiyyətinin artırılması, polis-vətəndaş münasibətlərində qarşılıqlı etimadın, şəffaflığın və məmnunluğun təmin edilməsi məqsədilə Daxili İşlər Nazirliyi (DİN) tərəfindən tədbirlər davam etdirilir.

DİN-in Mətbuat xidmətindən verilən məlumata görə, vətəndaşlar onlayn şəkildə qəbula yazılaraq ərazi polis orqanlarının rəislərinə birbaşa müraciətlərini edə bilərlər.

Müraciətlərin operativ, obyektiv və həssaslıqla araşdırılması məqsədilə göstərilən bu elektron xidmətdən yararlanmaq üçün DİN-in rəsmi internet saytı və “e-polis” tətbiqində müvafiq bölmə yaradılıb.

Mobil tətbiqə daxil olaraq “Ana səhifə”dən “Qəbula yazıl” xidmətinə keçid edib, qarşıya çıxan müvafiq ardıcıllıqları yerinə yetirməklə müraciəti tamamlamaq lazımdır.

Qəbula yazılan hər bir şəxsin müraciəti Daxili İşlər Nazirliyi tərəfindən nəzarətə götürülür və problemin ən qısa zamanda həlli üçün zəruri tapşırıqlar verilir.

Paylaş:

Kateqoriyalar

Eyni kateqoriyalı xəbərlər