4 dekabr 2024, çərşənbə Bakı, 7°C
IMG-LOGO
  • 4 dekabr 2024, çərşənbə 23:52:29 Bakı , 7°C
Ana səhifə Xəbərlər Ətraflı

Xəbər lenti:

Ceyhun Bayramov kolumbiyalı həmkarına bölgədə yaranan yeni reallıqlar barədə məlumat verib

24-09-2024
IMG

Sentyabrın 23-də BMT Baş Assambleyasının 79-cu sessiyasının yüksək səviyyəli həftəsi çərçivəsində Azərbaycan Respublikasının xarici işlər naziri Ceyhun Bayramov Kolumbiyanın xarici işlər və ticarət naziri Luis Gilberto Murillo ilə görüşüb.

Xarici İşlər Nazirliyinin Mətbuat xidməti idarəsindən verilən məlumata görə, görüşdə nazir Ceyhun Bayramov iki ölkə arasında diplomatik münasibətlərin qurulmasından ötən 30 il ərzində siyasi, iqtisadi və humanitar sahədə əməkdaşlığın inkişafının vacibliyinə toxunaraq, yüksək səviyyəli qarşılıqlı səfərlərin, siyasi məsləhətləşmələr mexanizminin, habelə prioritet sektorlar üzrə aidiyyəti qurumlararası münasibətlərin inkişaf etdirilməsinin önəmini vurğulayıb.

Tərəflər, həmçinin beynəlxalq təşkilatlar çərçivəsində əməkdaşlığın inkişaf etdirilməsi perspektivlərinə toxunaraq, bu il ölkəmizin ev sahibliyi etdiyi BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasının (COP29) yeni tərəfdaşlıq sahələri üçün əlverişli imkanlar yaratdığını və bu çərçivədə Azərbaycanın Kolumbiya ilə əməkdaşlıqda maraqlı olduğunu vurğulayıb.

Azərbaycanın suverenliyi və ərazi bütövlüyünü bərpa etdikdən sonra bölgədə yaranan yeni reallıqlar, ölkəmiz tərəfindən işğaldan azad olunmuş ərazilərdə aparılan genişmiqyaslı bərpa və quruculuq işləri, habelə Azərbaycan və Ermənistan arasında normallaşma və sülh prosesi barədə qarşı tərəf məlumatlandırılıb.

Görüşdə yeni əməkdaşlıq istiqamətləri və qarşılıqlı maraq kəsb edən digər mövzular ətrafında fikir mübadiləsi aparılıb.

Paylaş:

Kateqoriyalar

Eyni kateqoriyalı xəbərlər