4 dekabr 2024, çərşənbə Bakı, 11°C
IMG-LOGO
  • 4 dekabr 2024, çərşənbə 13:02:57 Bakı , 11°C
Ana səhifə Xəbərlər Ətraflı

Xəbər lenti:

Vəkillər Kollegiyası Rəyasət Heyətinin iclasında bir sıra qərar qəbul edilib

03-12-2024
IMG

Azərbaycan Respublikasının Vəkillər Kollegiyası (ARVK) Rəyasət Heyətinin növbəti iclası keçirilib.

Vəkillər Kollegiyasından bildirilib ki, iclasda çıxış edən kollegiyanın sədri Anar Bağırov Rəyasət Heyətinin cari fəaliyyəti barədə məlumat verib.

İclas gündəliyinə uyğun olaraq Qadın Vəkillər Alyansının hesabatı dinlənilib, Bakı şəhəri 22 saylı Vəkil Bürosunda keçirilmiş monitorinqin nəticəsi elan edilib.

Sonra “Deontologiya” və “İcra Hüququ” Komitələrinin Əsasnaməsinin və İş Planının təsdiq edilməsi məsələlərinə baxılıb və müsbət qərarlar çıxarılıb.

Eyni zamanda, iclasda “Elektron vəkil kabinetindən istifadəyə dair Təlimat”ın təsdiq olunması qərara alınıb.

Həmçinin iclasda Rəyasət Heyətinin səlahiyyətləri çərçivəsində digər məsələlərə baxılıb.

İclasın davamında Vəkillərin İntizam Komissiyasının rəylərinə baxılıb və Rəyasət Heyəti yol verdikləri intizam pozuntularına görə 3 vəkilin fəaliyyəti dayandırılmaqla ARVK üzvlüyündən xaric olunması ilə bağlı məhkəməyə müraciət edilməsi barədə qərar qəbul edib. Eləcə də 1 vəkilin fəaliyyəti müəyyən müddətə dayandırılıb, 3 vəkilə isə töhmət verilib.

Sonda kollegiyanın fəaliyyəti ilə əlaqədar əhəmiyyət kəsb edən sair məsələlərə baxılıb.

Paylaş:

Kateqoriyalar

Eyni kateqoriyalı xəbərlər