24 noyabr 2024, bazar Bakı, 12°C
IMG-LOGO
  • 24 noyabr 2024, bazar 22:07:25 Bakı , 12°C
Ana səhifə Xəbərlər Ətraflı

Xəbər lenti:

NİİM: Toy karvanlarında iştirak edən sürücülər küçə və prospektlərdə süni sıxlıq yaradırlar

07-10-2024
IMG

Daxili İşlər Nazirliyinin (DİN) Nəqliyyatı İntellektual İdarəetmə Mərkəzi (NİİM) toy karvanlarında qayda pozan sürücülərə müraciət edib.

Bu barədə qurumdan məlumat verilib.

Bildirilib ki, toy karvanında iştirak edən sürücülər qəza dayanma işıq siqnalını yandıraraq bütün hərəkət zolaqlarını tuturlar və yollarda süni sıxlıq yaradırlar:

"Müşahidələr göstərir ki, “toy karvanları"nda olan bəzi sürücülər yolun hərəkət zolaqlarını tamamilə tutmaqla yanaşı, manevretmə qaydalarını da pozmaqla küçə və prospektlərdə süni sıxlıq yaradırlar. Bununla onlar digər nəqliyyat vasitələrinin sərbəst hərəkətinə mane olurlar. Eyni zamanda bəy-gəlin maşınını müşayiət edən belə şəxslər şadlıq saraylarının yaxınlığında olan yollarda dayanma və durma qaydalarına da əməl etmirlər və nəticədə hərəkətin ləngiməsinə səbəb olurlar.

DİN-in Nəqliyyatı İntellektual İdarəetmə Mərkəzi “toy karvanları"nda iştirak edən sürücülərdən bir zolaq üzrə yolun sağ tərəfində sıra ilə hərəkət etmələrini xahiş edir ki, yollarda sıxlığın yaranmasına səbəb olmasınlar".

Paylaş:

Kateqoriyalar

Eyni kateqoriyalı xəbərlər