23 noyabr 2024, şənbə Bakı, 14°C
IMG-LOGO
  • 23 noyabr 2024, şənbə 18:36:01 Bakı , 14°C
Ana səhifə Xəbərlər Ətraflı

Xəbər lenti:

UNEC ilə Çinin Siçuan Universiteti əməkdaşlıq edəcək

23-11-2024
IMG

Çinin Siçuan Universitetinin nümayəndə heyəti Azərbaycan Dövlət İqtisad Universitetində (UNEC) olub.

UNEC-dən verilən məlumata görə, beynəlxalq əlaqələr və proqramlar üzrə prorektor Hüseyn Həsənov çinli nümayəndə heyətinə universitetin strateji hədəflərindən söz açıb. O, qonaqlara UNEC-in beynəlxalq reytinqlərdəki mövqeyi, əcnəbi tələbələrin universitetə cəlb olunması, fənlərin beynəlxalq akkreditasiyası, xarici ali məktəblərlə əlaqələrin genişləndirilməsi və digər istiqamətlərdə əldə olunan uğurlar və qarşıda duran vəzifələrdən danışıb.

Siçuan Universitetinin Prezident ofisinin direktor müavini professor Du Xiao təmsil etdiyi ali təhsil müəssisəsi barədə məlumat verib. O, Azərbaycan universitetləri ilə əlaqələrin genişləndirilməsinin qarşılıqlı təcrübə mübadiləsi və elmi əməkdaşlıq baxımından önəmli olduğunu vurğulayıb.

Görüşdə iki universitet arasında mümkün əməkdaşlıq istiqamətlərinə dair razılıq əldə olunub.

Müzakirələrdən sonra çinli qonaqlar UNEC-lə tanış olublar. UNEC-in tədris üzrə prorektoru dosent Gəray Musayev onlara universitetdəki rəqəmsal tədris prosesi və imtahanların təşkili, Bloomberq maliyyə laboratoriyası, distant tədris və s. barədə məlumat verib. Çinli nümayəndə heyəti UNEC-in tədris prosesində tətbiq etdiyi rəqəmsallaşmanı yüksək qiymətləndirib.

Paylaş:

Kateqoriyalar

Eyni kateqoriyalı xəbərlər