23 noyabr 2024, şənbə Bakı, 14°C
IMG-LOGO
  • 23 noyabr 2024, şənbə 18:15:53 Bakı , 14°C
Ana səhifə Xəbərlər Ətraflı

Xəbər lenti:

Ada ölkəsi Tuvalu varlığını rəqəmsal mühitlə dəstəkləyir

23-11-2024
IMG

Sakit okeanda iqlim dəyişikliyinə görə su altında qalma təhlükəsi altında  olan ada ölkəsi Tuvalu irsini qorumaq üçün ölkənin binalarından tutmuş təbii gözəlliklərinə qədər hər şeyi rəqəmsal mühitə köçürür.

BBC-nin məlumatına görə, Sakit Okeanda doqquz mərcan adasından ibarət olan və 11 mindən çox vətəndaşı olan Tuvalu yaşayış üçün yararsız hala düşə biləcək bir gələcəklə üzləşir. İqlim dəyişikliyinin səbəb olduğu dəniz səviyyəsinin qalxması Tuvalu torpaqlarını təhdid edir.

Ölkəsinin ərazisi okeanın altında qalmaq təhlükəsi ilə üzləşən Tuvalu hökuməti gözəlliklərini, mədəniyyətini və vətəndaşlarının qanuni hüquqlarını gələcək nəsillər üçün qoruyub saxlamaq üçün “Rəqəmsal Millət” layihəsinə müraciət edib.

Hökumət ölkənin rəqəmsal nüsxəsini qurur, evlərindən tutmuş təbii gözəlliyinə qədər hər şeyi dəstəkləyir.

Tuvalu həmçinin virtual aləmdə ölkə sərhədlərinin təhlükəsizliyini təmin etmək, eləcə də hökumətin fəaliyyətini davam etdirə bilməsi üçün rəqəmsal pasportlar yaratmaq üçün çalışır. Bu pasportlar vətəndaşlara seçkilərdə və referendumlarda iştirak etmək, doğum, ölüm və nikahları qeydiyyata almaq və bir çox digər rəsmi əməliyyatları rəqəmsal şəkildə həyata keçirmək imkanı verir.

"Rəqəmsal millət"

Sözügedən addım ilk dəfə 2022-ci ildə Birləşmiş Millətlər Təşkilatının  İqlim Dəyişikliyi üzrə Çərçivə Konvensiyasına (COP27) tərəflərin 27-ci Konfransında “Rəqəmsal Millət” layihəsi adı altında Tuvalu Xarici İşlər Naziri Simon Kofe tərəfindən elan edilib.

“Digital Nation” layihəsi adaların virtual surətinin yaradılmasını, eləcə də ölkənin mədəni irsinin ehtiyat nüsxəsini təşkil etməyi nəzərdə tutur.

Simon Kofe 2023-cü ildə verdiyi açıqlamada vətəndaşlarını "Tuvalunun ruhunu daşımaq üçün hazırlanmış" bir arxiv yaratmaq üçün ən qiymətli əşyalarını və emosional hekayələrini, festival rəqslərini, uşaqların səslərini və xatirələrini göndərməyə çağırıb.

Paylaş:

Kateqoriyalar

Eyni kateqoriyalı xəbərlər