24 noyabr 2024, bazar Bakı, 11°C
IMG-LOGO
  • 24 noyabr 2024, bazar 21:09:37 Bakı , 11°C
Ana səhifə Xəbərlər Ətraflı

Xəbər lenti:

Koreyanın səhiyyə və icbari tibbi sığorta sistemi sahəsində qazandığı təcrübələr öyrə

11-09-2024
IMG

İcbari Tibbi Sığorta üzrə Dövlət Agentliyinin və TƏBİB-in əməkdaşları bu ölkədə səfərdə olublar

İcbari Tibbi Sığorta üzrə Dövlət Agentliyi (İTSDA) və Tibbi Ərazi Bölmələrini İdarəetmə Birliyinin (TƏBİB) əməkdaşları Koreyada səfərdə olublar.

Agentlikdən verilən məlumata görə, səfər Koreya Beynəlxalq Əməkdaşlıq Agentliyi (KOICA) tərəfindən “Azərbaycanda tibb müəssisələrinin sığorta siyasətləri üzrə bacarıqlarının artırılması” layihəsi çərçivəsində təşkil edilib. Səfər Koreyanın səhiyyə və icbari tibbi sığorta sistemi sahəsində qazandığı təcrübələri öyrənmək məqsədilə təşkil olunub. Təlimin ilk günündə Azərbaycanın səhiyyə sistemi haqqında təqdimatlar dinlənilib.

Daha sonra iştirakçılar Koreya Tibbi Sığortaya Nəzarət və Qiymətləndirmə Xidməti (HIRA), Milli Tibbi Sığorta Xidməti (NHIS) və İlsan Xəstəxanasında olublar. Bu qurumların məsul əməkdaşlarının iştirakı ilə keçirilən görüşlərdə təlim iştirakçıları Koreya Respublikasının səhiyyə sisteminin idarə olunması ilə əyani şəkildə tanış olmaq imkanı əldə ediblər.

İştirakçılara Koreya səhiyyə sisteminin strukturu, icbari tibbi sığorta sisteminin tətbiqi və beynəlxalq əlaqələr sahəsində əməkdaşlıq istiqamətləri ilə bağlı məlumatlar verilib. Həmçinin Koreya səhiyyəsi ilə bağlı suallar cavablandırılıb.

Təlim müddətində iştirakçılar qruplar şəklində Azərbaycanın səhiyyə sistemi ilə bağlı üç fərqli fəaliyyət planı hazırlayaraq təqdim ediblər. Fəaliyyət planları İdarəçilik üzrə Koreya İnkişaf İnstitutu (IKAD) və KOICA-nın nümayəndə heyəti tərəfindən dinlənilib, müzakirələr aparılıb və gələcəkdə bu istiqamətdə layihələrin təşkilinə dəstək olmaq məqsədilə işlərin görüləcəyi bildirilib.

Sonda təlim iştirakçılarına sertifikatlar verilib.

Paylaş:

Kateqoriyalar

Eyni kateqoriyalı xəbərlər