24 noyabr 2024, bazar Bakı, 13°C
IMG-LOGO
  • 24 noyabr 2024, bazar 22:18:05 Bakı , 13°C
Ana səhifə Xəbərlər Ətraflı

Xəbər lenti:

FHN-in Akademiyasında Novruz bayramı qeyd olunub

19-03-2024

Fövqəladə Hallar Nazirliyinin Akademiyasında Novruz bayramı münasibəti ilə tədbir keçirilib.

Tədbirdə Akademiyanın rəhbərliyi, professor-müəllim heyəti və kursantlar iştirak edib.

Tədbirdə ali təhsil müəssisəsinin əməkdaşları və kursantlar Novruz bayramı münasibətilə təbrik olunub, bu bayramın qeyd edilməsinin əhəmiyyətindən danışılıb. Bildirilib ki, xalqımız min illər ərzində formalaşmış adət-ənənələrə sadiq qalaraq bu milli bayramı əsrlərdir təntənə ilə qeyd edir. Novruz bayramının kütləvi el şənlikləri və mərasimlərlə dövlət səviyyəsində keçirilməsi və yurdumuzun hər bir guşəsində sonsuz sevinclə qarşılanması milli müstəqilliyimizin bizə bəxş etdiyi nailiyyətlərdəndir və tarixi-milli irsimizə bağlılığımızın parlaq təzahürlərindəndir.

Həmçinin, vurğulanıb ki, Müzəffər Ali Baş Komandan cənab Prezident İlham Əliyevin rəhbərliyi ilə rəşadətli Ordumuzun sayəsində suverenliyi tam bərpa olunmuş Azərbaycan Respublikasının bütün ərazilərində Novruz bayramı böyük təntənə ilə qeyd olunur.

Toplantıda xidmətdə fərqlənən Akademiya əməkdaşlarının həvəsləndirilməsi tədbirləri haqqında fövqəladə hallar nazirinin əmri barədə məlumat verilib.

Tədbir bədii hissə ilə davam etdirilib.

Paylaş:

Kateqoriyalar

Eyni kateqoriyalı xəbərlər