24 noyabr 2024, bazar Bakı, 13°C
IMG-LOGO
  • 24 noyabr 2024, bazar 22:14:24 Bakı , 13°C
Ana səhifə Xəbərlər Ətraflı

Xəbər lenti:

AzMİU tələbələri plastik tullantılardan istifadə etməklə maket hazırlayıblar
 

22-10-2024
IMG

Azərbaycan Memarlıq və İnşaat Universiteti (AzMİU) Tələbə Gənclər Təşkilatının təşkilatçılığı, Ekologiya və Təbii Sərvətlər Nazirliyinin dəstəyi ilə COP-29 və “Yaşıl dünya naminə həmrəylik ili”nə həsr olunmuş “COP-29: Dayanıqlı şəhərsalma və ekoloji çağırışlar” adlı forum çərçivəsində vörkşop keçirilib.

AzMİU-dan verilən məlumata görə, Mühit dizaynı kafedrasının müəllimi, Azərbaycan Tələbə Gənclər Təşkilatları İttifaqının dizayneri Əsmər Məmmədovanın rəhbərliyi ilə tələbələr tullantılardan istifadə etməklə maketlər hazırlayıblar.

Eyni zamanda, tələbələr plastik tullantıların təkrar istifadəsinin əhəmiyyəti haqqında ətraflı məlumatlandırılıb. Əsmər Məmmədova tərəfindən davamlı və ekoloji cəhətdən faydalı layihələrin necə hazırlanacağı barədə onlara nəzəri və praktiki biliklər verilib. Daha sonra iştirakçılar müxtəlif komandalara bölünərək plastik tullantılardan maketlər hazırlamaq üçün öz yaradıcılıqlarını işə salıblar.

Vörkşopun əsas məqsədi ekoloji maarifləndirmə ilə yanaşı, yaradıcı təkrar istifadə üsullarını öyrətmək olub. İştirakçılar plastik tullantılardan müxtəlif maketlər hazırlayaraq həm ekologiyaya töhfə verib, həm də dizayn bacarıqlarını inkişaf etdiriblər.

Paylaş:

Kateqoriyalar

Eyni kateqoriyalı xəbərlər