24 noyabr 2024, bazar Bakı, 13°C
IMG-LOGO
  • 24 noyabr 2024, bazar 20:17:18 Bakı , 13°C
Ana səhifə Xəbərlər Ətraflı

Xəbər lenti:

Aqrar Tədqiqatlar Mərkəzi və Ankara Universiteti arasında əməkdaşlıq imkanları müzakirə olunub

02-09-2024
IMG

Kənd Təsərrüfatı Nazirliyi tabeliyində Aqrar Tədqiqatlar Mərkəzində (ATM) Türkiyənin Ankara Universitetinin Kənd təsərrüfatı fakültəsinin Kənd təsərrüfatının iqtisadiyyatı bölümünün rəhbəri professor İlkay Dellalla görüş olub.

Nazirliyin İctimaiyyətlə əlaqələr və informasiya təminatı şöbəsindən verilən məlumata görə, Aqrar Tədqiqatlar Mərkəzinin direktoru Rəşad Hüseynov qonağa Mərkəz haqda geniş məlumat verib. Öz növbəsində İlkay Dellal da Ankara Universiteti, universitetin Kənd təsərrüfatı fakültəsi, habelə rəhbərlik etdiyi Kənd təsərrüfatının iqtisadiyyatı bölməsi barədə məlumatları bölüşüb.

Görüşdə iqlim dəyişikliklərinin kənd təsərrüfatına təsirləri ilə bağlı görülən işlər, həyata keçirilən araşdırma və tədqiqatlar ətrafında fikir mübadiləsi aparılıb, əməkdaşlıq perspektivləri müzakirə olunub.

ATM rəhbəri Mərkəzin tədqiqatçılarının Ankara Universitetində, Ankara Universitetinin tədqiqatçılarının isə Aqrar Tədqiqatlar Mərkəzində qarşılıqlı təcrübə mübadiləsinə cəlb olunmalarını təklif edib. Tərəflər hər iki qurumda çalışan alimlərin birlikdə müxtəlif iqtisadi modellərin tətbiqini, yeni modellərin yaradılması istiqamətində əməkdaşlıq imkanlarını müzakirə ediblər.

Paylaş:

Kateqoriyalar

Eyni kateqoriyalı xəbərlər