29 yanvar 2025, çərşənbə Bakı, 9°C
IMG-LOGO
  • 29 yanvar 2025, çərşənbə 23:49:14 Bakı , 9°C
Ana səhifə Xəbərlər Ətraflı

Xəbər lenti:

“Jeju Air” sərnişin təyyarəsinin mühərriklərində quş tükləri tapılıb

27-01-2025
IMG

Dekabr ayında Cənubi Koreyada qəzaya uğrayan və 179 nəfərin ölümünə səbəb olan “Jeju Air” sərnişin təyyarəsi ilə bağlı ilkin hesabat dərc edilib. Məlumata görə, qəzaya səbəb olduğu güman edilən quşların vurduğuna dair dəlillər aşkar edilib.

İlkin araşdırma hesabatına görə, təyyarənin hər iki mühərrikində Baykal mallard növünə aid lələk və qan ləkələri aşkar edilib. Köçəri ördək növü olan Baykal mallard böyük sürülərdə uçur. Səlahiyyətlilər bildiriblər ki, qəzanın səbəbləri ilə bağlı araşdırmalar uçuş-enmə zolağının sonundakı beton konstruksiya, eləcə də quşların vurması ilə bağlı olacaq.

Xəbərdə Boeing 737-800 tipli təyyarənin mühərriklərinin ətraflı şəkildə araşdırılacağı və qəzadan təsirlənən beton konstruksiyasının təhlil ediləcəyi bildirilib.

Xatırladaq ki, “Jeju Air” şirkətinə məxsus təyyarə dekabrın 29-da səhər saatlarında Banqkokdan havaya qalxaraq Cənubi Koreyanın cənub-qərbindəki Muan Beynəlxalq Hava Limanına doğru hərəkət edib.

Saat 08.57-də qüllə ilə əlaqə saxlayan pilotlara “quşların fəaliyyətinə diqqət yetirmələri” barədə xəbərdarlıq edilib. Saat 08.59-da pilot quşu vurduqlarını və "mayday" zəngi etdiklərini bildirib.

Pilot əks istiqamətdən eniş üçün icazə istəyib, lakin eniş şassisi açılmadan gövdə üzərində baş tutub. Təyyarə eniş zolağının sonuna qədər sürükləndikdən sonra beton konstruksiyaya çırpılaraq partlayıb.

Paylaş:

Kateqoriyalar

Eyni kateqoriyalı xəbərlər