30 yanvar 2025, cümə axşamı Bakı, 9°C
IMG-LOGO
  • 30 yanvar 2025, cümə axşamı 00:05:11 Bakı , 9°C
Ana səhifə Xəbərlər Ətraflı

Xəbər lenti:

Amerika tərəfindən maliyyələşdirilən bütün xarici yardımlar dayandırılıb

27-01-2025
IMG

ABŞ Dövlət Departamenti və Beynəlxalq İnkişaf Agentliyi  vasitəsilə maliyyələşdirilən mövcud bütün xarici yardım proqramlarına fasilə verilib. Xarici ölkələrə edilən ödənişlərin dayandırılmasının məqsədinin bu yardım proqramlarının effektivliyini və ABŞ-nın xarici siyasətinə uyğunluğunu qiymətləndirmək olduğu bildirilib. 

Verilən açıqlamada yardımların yenidən nəzərdən keçirilməsi və tənzimlənməsinin zərurət olduğu, bu xərclərin Amerika xalqına fayda gətirməsinin vacibliyi qeyd olunub. 

Qeyd edək ki, Prezident Donald Tramp yanvarın 21-də vəzifəyə başlamasından dərhal sonra xarici yardımlara dair fərman imzalamışdı. Fərmanda xarici inkişaf yardımı proqramlarından məsul bütün nazirlik və qurumların xarici ölkələrə edəcəyi ödənişləri dayandıracağı, proqramların ABŞ-nın xarici siyasəti ilə uyğunluğunu qiymətləndirmək üçün 90 günlük bir təhlil müddətinin başlanıldığı qeyd olunmuşdu. 

Qeyd edək ki, xarici inkişaf dəstəkləri digər ölkələrə edilən iqtisadi, sosial, texniki və humanitar yardımları əhatə edir.

Paylaş:

Kateqoriyalar

Eyni kateqoriyalı xəbərlər